Komunistiskuo genocyda uperu pīminis dīnai velteiti pasuokumi
![](https://lpr.gov.lv/wp-content/uploads/2005/dezuratteli/79.jpg)
Piec Politiski represātūs kluba īrūsynuojuma Rēzeknis politiski represātajim pilsātys dūmis Socialuos apryupis pabolstus izmoksuos 18.novembrī, a na šudiņ, kai suokumā īdūmuots. Beidzamajā Rēzeknis dūmis siedē grūzeiti pošvaldeibys saistūšī nūteikumi “Par socialū paleidzeibu Rēzeknis pilsātys pošvaldeibā”, kur nūsaceita kuorteiba, kaidā izmoksuos pabolstus reizi godā gon politiski represātajom personom, gon kara veteranim. Nūteikumi stuosīs spākā piec publiciešonys “Latvijas Vēstnesī”. Rēzekne ir kaidi 280 politiski represātūs personu.
Šudin iz vysa pasauļa teik svināta Starptautiskuo asinsdonoru dīna. Deļ tuo aicynuoti vysi varietuoji i gribietuoji nūdūt ašni, jo vajadzeigs ir vysu grupu ašnis. Pazasokūt Karla Landšteinera atkluojumam par cilvāka ašņa grupom, iz vysa pasauļa ašņa puorlīšona nūrit veiksmeigai i ļaun izaveseļuot daudzim cylvākim.
Starptautisks audita i biznesa konsultaceju uzjāmums “Deloitte” izdevs jaunu korporativu gaztu “talants” firmys darbinīkim i Latvejis augstškolu studentim. Studejuošai jaunatnei tei byus īspieja uzzynuot vairuok par pasaulī vaodūšuo nūzaris uzjāmuma īškejū vidi, darbinīku sadzeivi i interesantom personom. “Talants” tiks izdūts divejis reizis godā i izplateits Latvejis augstškoluos.
Šudin 12.klašu školāni kuortuos beidzamū centralizātū eksamenu – kimejā. Jau ziņuots, ka, izjemūt 12.klašu matematikys īskaitis aizdevumu pasaruodešonu atkluoteibā, nivīnā cytā eksamenā starpgadejumi nav konstatāti.
Nu šudines Jiekabpilī suoksīs 49. Baltejis pilsātu savīneibys “Union of Baltic Cities” izpyldkomitejis siede. Pasuokumā paradzāta filmys par Jiekabpili prezentaceja i dorbs grupuos. Bez pasuokuma oficialuos dorba programmys tuos daleibnīki paredziejuš ari īsapazeit ar Krystpils pili, Jiekabpils Viesturis muzeja Breivdobys nūdali i galereju “Mans,s”. Iz pasuokumu īsarass 21 pilsātys puorstuovi nu Sūmejis, Pūlejis, Danejis, Norvegejis, Zvīdrejis, Vuocejis, Igaunejis i Latvejis.
Laika prognozs šudinei Latgolā. Muokuņains laiks, šaļtim skaidruosīs. Eislaiceigs leits, vītom pārkiuņa nagaiss. Rītumu, dīnvydrītumu viejs dīnā 5 – 10 metri sekuņdī, brazmuos da 13 metrim sekuņdī. Maksimaluo gaisa temperatura dinā +23..+26