Kas byus prezidents?

54,3% aptaujuotūs Latvejis dzeivuotuoji skaita, ka par Valsts prezidentu juokliust bejušajam Satversmis tīsys prīkšsiedietuojam Aivaram Endziņam, sovukuort koalicejis izvirzeitū Valsts prezidenta omota kandidatu Valdi Zatleru itymā omotā gribātum redziet 28,6% respondentu, tai līcynoj sociologiskūs pietejumu firmys “Latvijas fakti” aptaujis rezultati.

Izgleiteibys i zynuotnis ministre Baiba Rivža aizdevusi Izgleiteibys i zynuotnis ministrejai i tuos padūteibā asūšu instituceju specialistim pastyprynuotai viertīs leidza eksamenu aizdavumu aplūkšņu pīguodei i sajimšonai, atvieršonai i nūdūšonai puorbaudis dorbu kuortuotuojim. Byutiskai ir izlobuota centralizatūs eksamenu sagatavuošonys, pavairuošonys i izplateišonys kuorteiba, kai ari nūzarysynuos sadarbeiba ar tīseibsorguojušom institucejom

Valsts prezidentei Vairai Vīķei-Freibergai tīsneša zvārastu šudin pl.11:30 nūdūs ostoni jauni tīsneši, storp kurim ari Daugavpils Zemisgruomotu nūdalis tīsnese Tatjana Ivanova.

Daugavpils pilsātas svātku laikā 9.junī nūtiks trešī tierdzeibys parka “Solo” sporta svātki – strītbola sacenseibas, sacenseibys armrestlingā aba rūku ceiņā, sovu spāku demonstrēs arī svoru bumbu celšonys meistari, bet piečuok paradzāti ūlu kari.

Laika prognozs šudinei Latgolā. Dīnā daleji muokūņains laiks. Dažvīt eislaiceigs leits, pārkiuņa nagaiss. Dīnvydreitu viejš 5-10 metri sekuņdī, pārkiuna laikā bruozmains. Maksimaluo gaisa temperatura +30…+33°.