Kai uzsuokt sova uzjāmuma darbeibu?

Nu šudiņdīnys da 11. majam Rēzeknē nūteik kursi regionalajim uzjiemiejim “Biznesa uzsuokšona i finansiejuma īgiušona mozajim i videjim uzjāmumim i jaunū tehnologeju kompanejom”. Pasuokumu organizej Italejis Uorejuos tierdznīceibys instituta Puorstuovnīceiba Reigā. Kursi ir bez moksys i tajūs var pīsadaleit kotrs, kurais dūmoj par sova biznesa uzsuokšonu i atteisteibu.

Latgolys apgoboltīsā šudiņ planuots turpynuot skateit kriminallītu par Bolvu uzjiemieja Alberta Brīža slepkaveibu i, īspiejams, nūpratynuot apsyudzātūs. Tīsness Andris Strauts ir izsacejs cereibu, ka lītā sprīdumu varātum nūlaseit juņa suokumā.

Šudiņ Kruoslovys rajona Skaistys pogostā, atpyutys kompleksā “Dridži”, projekta “Baltejis eiroregionāaluos sadarbeibys teikls” laikā turpynojās trešuo Latvejis nacionaluo opoluo golda diskuseja. Šudiņ paradzāts izviertēt projekta nūzeimi Latvejis eiroregionu darbeibā, sasnīgumus i izvirzeit aizdavumus nuokūtnei.

Šudiņ Daugavpilī i Kruoslovā nūtiks Uzvarys dīnys 62.godadīnys svineibys. Daugavpilī, Slavys skvērā 10.30 suoksīs tradicionaluo Ūtruo pasaulis kara veteranu puļciešonuos, piečuok Dubrovina parkā pi krytušajim karaveirim veļteituo memoriala nūtiks pīminis breids, bet Uzvarys dīnys pasuokumi nūssaslēgs ar svātku koncertu kinoteatrī “Renesanse”. Kruoslovā, Piļsātys parkā pi kritušūs karaveiru memoriala, Uzvarys dīnai veļteitais mīteņš, piec tam svineigs pasuokums.

Šudiņ akcejā “Zaļais viļns” Jākubpiļa dūmis deputati Krustpiļs saleņā, papyldynojūt tuos aizsorgjūslu, stuodeis ūšlopu kļovus. Akcejis mierkis ir sekmēt vidis aizsardzeibu, veicynuot tuos ilgtspiejeigu atteisteibu. Kūku stuodeišona ir tīšs īguldejums nuokušajom paaudzem dobys atjaunuošonā.

Šudiņ Daugavpiļs Universitatē Muzykys i muokslys fakultatis Kamerzalā ar Programu uzastuos Vuocejis grupa “Fön”. Skaņdorbu atskaņuošonā teik izmantuoti ari pošu izgotovuots sytamūs instrumentu komplekts. Literatura i muzyka sasatuvynojās i vīna ūtru papyldynoj.