Jōņdīnys īleigōšona

Jōņdīnys īleigōšona jau 22.junī sōkās daudzōs Latgolas piļsātōs i pogostūs. Ludzā nūtyka rajona dzīsmu i deju svātki. Varakļōnu estrādē nūtyka īleigōšona ar latgalīšu etnoroka grupu “Laimys muzykanti”. Dagdā – piļsātnīku gōjīņs ar jōņuzōlem iz piļsātys parku, Latgolas Studentu centrs Leigōdīnu sagaideja Bukmuižā, bet Leivōnūs reikova konkursu par natradicionalu Jōņu vainagu.

Rūbežnīku pogosta zemnīku saimnīceibys “Vīesturi” strausi Jōņdīnā sajims cīnastu – jōņuzōles i sīru. Saimineica Ērika Gabrusāne soka, ka strausi asūt vysādōji i varūt pat apēst kaidam nauzmaneigōkam leigōtōjam Jōņu vainagu. Strausim pošim gon napateik, ka ka jim golvā uzlīk nainagu. Dēļ tō atškireibā nu saimničeibā asūšajom gūvem, starusi paliks bez vainagim. Strausu izdātōs ūlys sīra sīšonai naizmontōs, jo tōs asūt pōrōk lelys. Tōs šūreiz aizstōs ar Āfrikas vystu ūlom, kas piec sastōva i kvalitātes naatpalīk nu strausu ūlom.

Šudiņ Latgolas apgoboltīsa turpynōs līcinīku nūpratynōšonu kriminallītā par 9.Saeimas vēlēšonu biletenu vyltōšonu Bolvu rajona Kubulu pogostā, kurā viņs nu apsyudzātajim ir arī bejušais pogosta prīkšsādātōjs i 9.Saeimas deputats Jurs Boldāns.

Rēzeknē apbolvōs pīcu vaļstu lobōkūs kinologus i suņus, kas nu 20. da 22.juņam jēme daļeibu Vaļsts Rūbežsardzes koledžas organizātajōs 10. kinologu sacenseibōs. Uzvarātōju kausus sajims trejs lobōkōs komandas, bet medaļas i bolvas – lobōkais kinologs ar suni pādu mekleišonā, lobōkais cylvāku meklēšonā i lobōkais paklauseibā, kai arī trejs lobōkī kinologi ar sovim dīnasta suņim individualajā vērtējumā.

Zinis sagataveja: Jōņs Platacis