Jiekabpilī i Riezeknē suokas akceja “Labo darbu nedēļa uzņēmējiem”
Nu šudiņes da 9.novembram Jiekabpilī i Riezeknī nūteik “Labo darbu nedēļa uzņēmējiem”. A Daugavpils universitatē nu šudines da 10.novembram nūtiks 2.Daugavpils zinuotnis festivals. 10.novembrī Preiļu nūvoda Litaunīkūs, pi Luočplieša kara ordeņa kavalera Ignata Beča pīminis akmiņs nūtiks Luočplieša dīnai velteits pasuokums.Nu šudiņes da 9.novembram Jiekabpilī i Riezeknī nūteik “Labo darbu nedēļa uzņēmējiem”. Šudiņ, atkluojūt akcejas nedeļi, Jiekabpils dūmis darbinīki vuoks puortikas produktus socialai moznūdrūšinuotuom, kai arī tryuceigom personom, kū pīktdiņ adresatim paleidzās nūguoduot Īlu komitejas.Lobū dorbu nedeļa Riezeknē simboliskai tiks atkluota šudiņ plkst.14 ar pasuokumu Riezeknis slimneicas Bārnu nūdoļā, kurai tiks duovinuoti bārnu zeimejumi, kas topuš Riezeknis dūmis reikūtajā konkursā.
Nu šudiņes da 10.novembram Daugavpils universitatē nūtiks 2.Daugavpils zinuotnis festivals.Itamā godā kotrai festivala dīnai byus sova tema – “Ūdens diena”, “Meža diena”, “Enerģijas diena”, “Veselības diena”, “Sabiedrības diena” i “ANO Zinātnes diena ģimenēm”. Sešu dīnu gorumā byus īspieja dasadaleit vysaižuos atkluotajuos lekcejuos, konkursūs, diskusejuos, praktiskajuos nūdarbeibuos, apmekliet zinuotnis pylsāteņi, muokslas i muzikas dorbneicas, izstuodis, dasadaleit ekskursejuos pa institutim i pat kļyut par ašņa donoru.
Preiļu nūvoda Litaunīkūs, pi Luočplieša kara ordeņa kavalera Ignata Beča pīminis akmiņs, 10.novembrī plkst.15 nūtiks Luočplieša dīnai velteits pasuokums. Atceris šaļti īvadeis īskots viesturiskajūs nūtikumūs, skanies muzika i dzīsmis. Preiļu pogosta dzeivūtuojam Vladislavam Bečam tiks pasnīgta Latvejas valsts aizsardzeibas fonda “Lāčplēsis” gūda zeime par īguldejumu Luočplieša kara ordeņa kavalīra Ignata Beča pīmiņis saglabuošonā.
Jiekabpilī, Krystpils kulturas nomā, 17.novembrī nūtiks Navalstiskū organizaceju (NVO) populariziešonas dīna. Pasuokumā paradzāts dorbs interešu grupuos: interešu aizstuoveiba, jaunīši, breivpruoteigais dorbs, socialūs pakalpojumu NVO, interešu apvīneibas. Grupu dorbu vadeis Jiekabpils voi Aizkrauklis vodūšuos NVO attīceigajā jūmā ci daaicinuots speciālists.
