Jauns elektreibys mazglys
Pareit (31.05.2007.) Rēzeknē svineigai atkluos Akceju sabīdreibys “Augstsprīguma teikls” zamaškstaceju “Rēzekne”, kas ir nūzeimeigs elektroenergejis tranzita mazgls ar Lītovys i Krivejis energosistemom i kas ar elektroenergeju apguodoj Latvejis austrumu regionu. Zamaškstacejai ir svareiga lūma, jo puorvadis sistemys operators caur tū realizej teikla rezerviešonu nu Krīvejis i Lītovys energosistemys i nūdrūšynoj ar elektroapguodi Latgolys piļsātuos.Reit Preiļu slimineicys ustobuos atkluos Latgolys regiona Mutis veseleibys centru, kū vadeis vīns specialists. Kotrā Latgolys rajonā tuoļuok byus vīns dorba koordinators i diveji uorsti, kuri sasadorbuos ar regionalū centru.
Ludzā piļsātys izdaiļuošanai tān gatavej i uzstuoda divejus metrus lelys zīdu kompozicejis, itūgod gatavejūtīs Ludzys 830.godu jubilejis pasuokumim, kas nūtiks augusta suokumā, eipaša uzmaneiba teik pīvārsta piļsātys vizualajam nūformiejumam.
Šudin 15:30 Daugavpiļs dūmis sēžu zalā nūtiks pasuokums “Par i ap projektim”. Pasuokumā varies īsapazeit ar projektu konkursim, ari ar Eiropys Ekonomiskuos zonys finanšu instrumenta i Norvegejis valdeibys divpusejuo finanšu instrumenta grantu programmu konkursim
Nu šudines da 31.majam Latvejā piec Valsts rūbežsardzis Golvonuos puorvaldis prīkšnīka Ērika Ivanova īlyuguma īsapazeišonuos vizitē byus Sūmejis Rūbežsardzis štaba prīkšnīks generalmajors ar delegaceju. Reit Sūmejis kolegys īsapazeis ar dīnesta organizaceju iz Latvejis-Boltkrīvejis rūbežys, apmeklejūt Silenes rūbežkontrolis punktu i Daugavpils puorvaldi.
Laika prognozs šudinei Latgolā. Muokūņains laiks, šaļtim skaidruosīs, eislaiceigs leits, dažvīt pārkiuņa nagaiss i īspejama krusa; reitu, dīnvydreitu viejs 3-9 metri sekuņdī, pārkiuņa laikā bruozmains, maksimaluo gaisa temperatura +29…+33
