Ingrida Tārauda INGRIDKYS DZEJŪLI
Malnū beretku nūlīcPar teiruma akmini Banderasa acs
Vylynoj dzelmē
Kur dzejis pantmāri
Aizamierst
Kai nalogiski skaņ
Vaicuojumi
Izsaucīni
Prīveite kliust spylgtai
Personiska
Īsaver acīs
Jiura avansā
Vysam puori
e-mail i navar dasadūrt
voi asu skumeiga
es nu vakardīnys
izdūmuotom dzeivem
pļovu bezgaleiba
pļovu meikstais mitrums
fantazejis veļniškeiba
puori puorkuopšona
labi kaida acīs
kaida rūkuos
vakardīnys romantikys
ryndys
čiguoniska zalta monetu
īgribeibys pīpiļdeita
rūkys kusteiba tev uz
vādara
gūrnu leigona
sūplokīdarbeiba
kuplī lyndraki kai
mogonys zeida lopys viejā
byus lobuok jo es
naparedzeišu
tik izdybynoms irā tovs daskuorīņs
i smaids acu skatīņs i
tys kū roksti viestulēs tys kai
mani meiļoj tik paradzams tu
esi sirds napīpiļdeita nav spāka
liduojumam kod atsagrīzs guļbi
nūleis pyrmī leiti straumēs
naktsvejūļu smaržys satecēs zam
munom dalnom kod saklīgs
grīze fanatiskys skanis par tū
ka puorstuot meiluot var paradzamais
vīgls…
itys laiks i vīna īelpa nu cikla
kas paradzāts tys skaņ tys naaizbāg
maņ gribīs tevi dakļaut i pastuosteit
kū nūsapņuoju pušdīņlaikā radzūt
dabasūs pavasara zeidainū muti
ka zivim mozī brīss i kuorklim
otkon taipoš pīninis nūtiks mašinys
plunčuosīs leita skriejīni pa celim
ka sirdsapziņa atdzymst i balle
beidzās jo gribu uz sātu da teva
īelpoju eimu itys laiks irā
myusu
mistereja i otkonatsagrīšona
muns pasauš kreiteņus nūpierk i uz
asfalta zeimoj sauli pučis i boltus kugeišus
nastandarta jiura irā palāks asfalts…
muns pasauļs duorza kūkūs
īkarynoj luktureišus i vejeigi smejūt
trallynoj pa stygom i meklej
meklej gaida kod sakuss elpys
tovs pasauļs
smaržoj piec apsūlejuma
lyudz piec pīdūšonys
i izdzer ikreita kopeju
nūsabreinej ka vyss irā kai
parosti nav par kū
sasatraukt gaida
īslēdz beidzūt teleponu
nūbučoj mani viers kūku golūtnem
lejā breinejās i čukstynojās trokī
kam nav baiļa nu augstuma nu
mīlesteibys i iluzejom ka svešaida
izjiuta paleidz nūgluostu tovus placus
zīmys buolguo saule dzastrainais gaiss
sarausteiti puļsejūša elpa atkuortuosim
nūbučoj nūgluostu lejā nivīna
myusu mīlesteiba par ilgu saprašonai
šlivu zorūs sabirs boltums
boltums kas saviļņoj mani
mani kam vinmār nav boltys
boltys bučis uz dalnys
dalnys kas dasadūrt aizmierst
aizmierst kod savuoreit čaju
čaju ar rūžlapeņom jo taida
taida irā austrumnīciski kaisla
kaisla i atpūgojuša tevi
tevi kurš aizmiersa fotoaparātu
skumis palyka
mobiluo telepona
breivtelpā
naaizačāre
nūkaveiteiba
jesmiņu čaja atdzysums
kryutīs ierška īdiurīņs
i īdūma par
naatvairamū grāku
styga aizavej lentveideigi
kolnā kolnā kolnā
cīši gūdojamais
nagribūt pazaudāts
īsameileišonuos procesa
suocīņs
ceļu policistam
nav dorba
