Grupa “Bez PVN” pīduovoj jaunuokū radiosinglu “Nazynu“

Tys ir jaunuokais grupyas “Bez PVN” radiosingls, kas īkļauts goda suokumā izdūtajā albumā “Pyrms Vuorda…”. “Nazynu” jau atsarūn vairuoku radiostaceju rotacejā un tyvuokajā laikā byus pīejama vysom lobuokajom Latvejis radiostacejom.

Dzīsme “Nazynu” ir vīna nu ratajom albumā ikļautajom dzīsmem, kur teik mynāta mīlesteibys tema. Grupas debijas albumu var īsauoduot Reigā (“Randoms”), Rēzeknē (“Mōls”) un Kuorsovā (“Sākums A”), taipat dzīmi var īsaguoduot portalā www.doremi.lv

Niu grupā dorbojās 4 jaunīši nu Latgolys, kas dzīd i spielej volūdā, kurā dūmoj, un puorstuov taidu vēļ nabejušu stilu iz pasauļa kai latgaļu rock. Grupā spielej:
Kristaps Rasims (Kips); Guntis Rasims (daGunchi); Aija Repša (Aja) i Artūrs Morozs (Arča).

“Bez PVN” ir īsadalejuse taidūs leluokajūs Latvejis muzykys festivalūs kai “Osvalds 2005, 2006”, “Muzykys Skrytuļs 2005, 2006”, “Tu esi pamanīts 2006”, “Pēdas 2006” i.c.

Niu grupai “Bez PVN” ir suokusēs vosorys koncertu sezona.
Grupu itamā vosorā varies redzēt:
14.julī Leiksnā, festivalā “Muzykys Skrytuļs 2007”;
3.augustā Ludzā, piļsātys svātku ītvorā;
4.augustā Baltinavā, festivalā “Osvalds 2007”.
Teik struoduots ari pi pavysam jauna muzykaluo materiala, kū goda ūtrajā pusē varātu pīduovuot ari klauseituojim.

Ar cīnu,
“Latgolys Producentu Grupa”,
Tel.: +371 2 9492864
bezpvn@inbox.lv