Grupa „Bez PVN” 4. dzimšonys dīnu svinēs Bolvu rajona Upeitē!
Goda nūgalē – 29. decembrī Bolvu rajona Škilbanu pogosta Upeitē tiks svināta latgalīšu roka grupys „Bez PVN” 4.dzimšonys dīna!Itymā godā kai puorsteigumu grupai, kas pyrmuo izsuoka modernuos latgalīšu muzykys atteisteibu, „Bez PVN” atbalsteituoji nūlāmušs sareikuot svātkus par gūdu tuos dzimšonys dīnai, kab pasateiktu par spālātū muzyku, ar kuru prīcej klauseituojus! Grupa par sovu dzimšonys dīnu uzskota 2003. goda 27. decembri, kod snīdza pyrmū koncertu Kuorsoys Tautys nomā, nu itei dzimšonys dīna tiks svināta Upeitē 29.decembrī!
Pasuocīņa programā paradzāta pošu gaviļnīku izastuošonuos, pīsadaleis ari grupa „Green Novice” i projekts „Kapļi”, kai ari byus naseņ izguojušuos „Latgolys Radejis izlasis” prezentaceja Zīmeļlatgolā. Prūtama līta, ka naiztikt bez puorsteigumim, konkursim, bolvom i ļusteigim dančim!
Poši „Bez PVN” par sovu saisteibu ar Bolvu rajonu soka: „Nu Bolvu pusis īt grupys bundzinīks Arturs jeb Arča, Bolvu rajons ir vīns nu tim, kurā grupa spieliejuse vysvaira koncertu nu i, prūtama līta, ka Bolvu rajona austrumu pusī dzeivoj vīni nu „trokuokim” (vyslobuokā nūzeimī) latgalīšu cylvākim i vysod ir prīca jim koč kū spielēt!”
Pasuocīņa organizatori car, ka izadūs breineigi svātki gon pošim, gon grupai, gon ari vysim latgalīšu muzykys meiļuotuojim!
Pasuocīni atbolsta Šķilbanu pogosta padūme, Bolvu rajona padūme, z/s „Jākupāni”, informej Bolvu rajona laikroksts „Vaduguns”, „Latgolys Radeja” i “Latgalīšu Kuļturys gazeta”.
