Gruomotu svātki Kruoslovā
Paguojušajā dīnnaktī kravys automašynu ryndys iz Latvejis i Krīvejis turpynova sasamazynuot. Šūreit Terehovā izbraukšanu nu vaļsts gaideja 500 auto, kas ir par 200 muozuok nakai vakar. Bet Grebņovā ryndā stuoveja 115 kravys automašynys, kas ir par 35 mozuok nakai vakar nu reita.
Šudiņ pl. 19.00 , Jākubpilī, Sēļu sātā, piļsātys svātku laikā nūtiks 1.Starptautiskīs tautys muzykys festivals “Lustes Jākubpilī”. Festivalā pīsadalies tautā īmīļuotys lauku kapellys.
Kruoslovys rajona Indrā jau ūtrū godu teik reikuots sadoncuošonuos, sadzīduošonuos i muziciešonys pasuokums, kurā paradzāti 3 konceri. Tys īcarāts kai nalels krīvu tautys muzykys festivals, kurā pīsadaleis tuvējūs pogostu pašdarbeibys kolektivi, spēlēs akordeonisti un garmanisti.
6. i 7. julī Bebrenes tehnikuma telpuos nūtiks Daugavpiļs, Preiļu, Kruoslovys 40 jaunīšu vuiceibu projekta “Motivacejis programma Latgolys regiona jaunīši integracejai dorba tiergā” ītvorūs. Jaunīši īsapazeis ar Bebrenes Profesionalū vydsškolu i profesejom, kurys var tī apgiut. Jīm byus ekskurseja pa Bebreni. Jaunīši vuicēsīs komunicētīs sovā vydā i nūskaidruos sovys turpmuokuos praksis vītys.
Laika prognozs Latgolai. Muokūņains laiks. Breižim leits, īspiejams pārkiuņa nagaiss. Austrumu viejs 5-10 m/s, bruozmuos sasnīgs 13 m/s, gaisa temperatura + 17; + 20 grādi.