“Dzejis Dīnys 2007” Daugavpilī

11.septembrī Daugavpiļs Cītūksnī Arsenala ākā suocēs Dzejis Dīnys 2007. Tyka prezentāts ituo goda ailinīku gora dorbu apkūpuojums – gruomoteņa. LaKuGa.LV pīduovoj puors fotošaltenis nu tuo pasuokuma.

Tyka prezentāts septeņpadsmytais dzejis kruojuma laidīņs. Tymā ir publicāti ari puors latgaliski dzejūleiši (Juoņs Ryučāns, Arturs Uškāns, Valentins Lukaševičs). Diveji pyrmī beja kluotyn i ari skaļai nūlaseja publikai puors sovu aiļu.

Šudiņ (12.septembrī) tiks prezentāta vīna cyta gruomota. Faina Osina un Juoņs Ryučāns ir izdarejuši unikalu lītu – pulcejūt latgaliski rokstūšos dzejnīkus (Anna Rancāne, Ontons Kūkuojs, Ontons Slišāns i.c.) kai ari apvīnojūt lobuokūs krīviski rokstūšūs Daugavpiļs dzejnīkus, ir puortulkovuši latgalīšu ailis iz krīvu volūdu i krīvu autoru dorbus latgaliskai.
Iz ituo dzejis kruojuma prezentaceju vysi laipnai aicynuoti šudiņ Daugavpiļs latvīšu kuļturys centrā, suokums pl.18:00.