Deputatim Juonim golvā Juoņu vainagus
![](https://lpr.gov.lv/wp-content/uploads/2005/dezuratteli/79.jpg)
Rēzeknis augstškolā nu šudines da 22.juņam nūtiks konference “Vide. Tehnologeja. Resursi”. Divejuos sekcejuos, kas dorbuosīs konferences laikā, byus īspieja īsapazeit ar vidis pīsuorņuojuma i pilsātu ekologiskajom problemom, biologiskuos saimnīceibys specifiku, kai ari cytom aktualom temom. Informacejis tehnologeju sekcejā tiks apsavārti vaicuojumi, kas atsatīc iz muoksleiguo intelekta vaicuojumim i problemom.
Leigū svātkūs Latgolys zooduorza darbinīki planoj saguoduot sovim meilulim sovpateigu duovonu – kasdīniškuos bareibys vītā pacīnuot tūs ar kaidu gordumu. Vīnim dzevinīkim tiks pa kaidam peirāgam, cytim – ībīzynuotais pīns ar cukri. Tikšūt Latgolys zvāruduorza dzeivuotuojim arī pa kaidam gabaleņam Juoņu sīra.
Itu pīktdiņ svineigai tiks atkluots Rēzeknis pilsātys i rajona Tūrisma informacejis centrs. Da šam Rēzeknē Latgolys gostim beja zynoms Rēzeknis rajona Turisma informacejas centrs “Untumi” Ūzūlmuižys pogostā. Niu jaunais Turisma informacejis centrs atsarass pilsātys centrā – vīsneicā “Latgale”, Atbreivuošonys alejā 98.
Iznuokuse jauna Latvejis velokarte. Kartē īzeimāti 67 velomaršruti, kai ari 302 naktsmītnis – gostu nomi, breivdīnu sātys, pilis, muižys, kempingi ar kontaktinformaceju. Kartē īkļautī velomaršruti ir īdaleiti trejuos gryuteibys pakuopēs, atkareibā nu ceļu saguma, reljefa, garuma, traucieklim i citim faktorim.
Šudin Daugavpilī īsarass Moldovys navalstiskūs organizaceju puorstuovu delegaceja. Daugavpilī gostim byus īspieja tiktīs ar navalstiskūs organizaceju puorstuovim, īsapazeit ar leluokajim ar navalstiskūs organizaceju storpnīceibu realizātajim projektim. Moldovys delegāaceja izruodejuse interesi par Latvejis navalstiskūs organizaceju dorba pīredzi, par sadarbeibu ar pošvaldeibu i valsti. Gostus interesej ari Eiropys Savīneibys finansejuma pīsaistis īspiejis.
Katūļu bazneica uzatraucūt par transporta leidzekļu vadeituoju drūšeibu izdevuse autovadeituojim paradzātys sovpatnys vadlinejis i “Desmit baušļus”, kas suokas ar vuordim: “Tev nabyus nūgalynuot.” 58 lappusis bīzuo rūkasgruomata aicynoj šoferus puorzakrysteit pyrma siestīs pi styures i īsoka garuoku ceļojumu laikā skaiteit rūžukrūni. Tys paleidziešūt “justīs īsleigušam Dīva suplokumā” i “palikt juo aizsardzeibā”, tai paskaidrova Vatikana omotpersonays.
Laika prognozs šudinei Latgolā. Dalieji muokūņains laiks. Bez lelim nūkrišnim. Zīmeļrītumu viejs 3 – 8 metri sekuņdī. Maksimaluo gaisa temperatura dīnā +20 +22.