Daugavpils svātki
Nu 7. da 10.juņam Daugavpilī nūtiks pilsātys svātku “Munejuo pils – Daugavpils” pasuokumi. 7.junī Daugavpils pareizticeigūs kopūs nūtyka pīminis šaļts i īsvieteits jaunais krysts bejušajam pilsātys vadeituojam Pāvelam Dubrovinam. Pilsātys golvys pīnuokumus jis piļdeja laika pūsmā nu 1876. da 1890.godam.Šudin i reit Rēzeknē projekta “Latvejis – Lītovys pīrūbežys kulturys dzeivis boguotynuošona ar tradiceju apmaini” ītvorūs nūtiks keramikys meistaru rodūšuo darbneica. Meistardarbneicys teoretiskuo daļa nūtiks Latgolys Kulturviesturis muzejā, kur kluotasošūs īpazeistinuos ar Latgolys keramikys viesturi, kai arī izruodeis muzeja keramikys kruojumus. Rodūšuos meistardarbneicas praktiskuo daļa nūtiks Rēzeknis Muokslys vydusškolas keramikys nūdaļā, kur gosti iz specialom virpom varies poši veiduot keramikys izstruodojumus i tūs glaziet kūpā ar praksis studentim.
Šudin pl.10:00 Jiekabpils rajona padūmis konferenču zalā nūtiks myužizgleiteibai velteits seminars. Daleibnīki varies īsapazeit ar Jiekabpils rajona myužizgleiteibys atteisteibys plānu, kai ari uzklauseit informaceju par izgleiteibu kai karjerys veiduošonys pamatu. Seminars beigsīs ar lekceju “Dūmys ir spāki. Kū tu dūmoj, tys tu esi”.
Šudin pušdiņuos Daugavpilī, Imantas īlā 35a, tiks atkluots Sirds veseleibys kabinets. Ar mierki samozynuot saslimsteibu i palelinuot agreimu diagnostiku. Sirds veseleibys kabinets nūsadorbuos ar sirds veseleibys veicynuošonu i slimeibu profilaksi.
Šudin Daugavpilī, gostu sātā “Villa Ksenija”, nūtiks seminars “Jaunī rysynuojumi īslūdzeitūs nūdorbynuoteibai”,
Pasuokumā paradzāta EQUAL projekta prezentaceja, diskusejis par nūtīsuotūs profesionalajom vuiceibom, dorbu kai resocializacejis procesa sastuovdali i komercdarbeibu īslūdzejuma vītā. Seminarā paradzāts ari pījemt rezoluciju, apsaviert Daugavpils cītumu i potencialuos ražuošonys vuiceibu ustobys.
Laika prognozs šudinei Latgolā. Nalels muokiuņu daudzums. Bez nūkrišnim. Zīmeļu, zīmeļaustrumu viejs 2-7 metri sekuņdī. Maksimaluo gaisa temperatura dīnā +25;+28.
