Daugavpilīte Astrīda Petaško svin 80 godu jubileji
![](https://lpr.gov.lv/wp-content/uploads/2005/dezuratteli/79.jpg)
21.septembrī plkst.15 Daugavpils Valsts ģimnazejā nūtiks svineiga pēcpušdine, kas byus velteita školuotuojas skaistajai dzeivis godskuortai. Jubilari dzimšonas dīnā sveiks bejušī koleģi, vītiejuos pošvaldeibas, Latvīšu bīdreibas, Latgolas Pietnīceibas instituta, cytu īstuožu i strukturu puorstuovi.
„Rēzeknes veselības aprūpes centra” konferenču zālē Veseleibas obligatuos apdrūšinuošonas valsts aģentūras Latgolas nūdaļa šudiņ reikoj sanuoksmi Riezeknis i Ludzas pylsātas i rajona primaruos veseleibas apryupis uorstim. Tiks stuosteits par Veseleibas obligatuos apdrūšinuošonas valsts aģentūras aktualitatem, kai arī sprīsts par saimis uorstu prakšu darbeibu, profapskašu programmu i nūteikumim par higiēniskuo i pretepidemiskuo režima pamotpraseibom uorstnīceibas īstuodē.
Šudiņ Riezeknis augstškolas Ekonomikas fakultātē atkluoj multikulturaluo projekta “Vroclava Eiropas jauniešu acīm” fotoizstuodi, Izstuodi reikoj Riezeknis augstškolas studenti, kas laika pūsmā nu 2007.goda 26.juņa da 1.juļam kūpā ar cytim multikulturaluo projekta puorstuovim nu Čehejas, Pūlejas i Vuocejas gasteja Pūlejas pylsātā Vroclavā.
Šudiņ Daugavpilī Informacejas dīna Latvejas pilsūneibas pretendentim. Naturalizacejas puorvaldē jim tiks snīgta informaceja par naturalizacejas procesa izsuokšonai vajadzeigajim dokumentim, kai arī par naturalizacejas puorbaužu saturu i nūrisis kuorteibu. Apmeklietuojim izmieģinuojuma kuorteibā tiks dūta īspieja kuortūt izmieģinuojuma testu naturalizacejas puorbaudem.