Daugavpilī jaunūs zynuotnīku konference
Daugavpiļs Universitatē šudiņ turpynojās jaunūs zynuotnīku konference, kura nūteik jau 49 reizi. Konferencei daleibu pīsacejuš vairuok nakai 170 daleibnīki nu dažaidim Latvejis rajonim. Itaida veida konference pīduovoj īspieju studentim, kuri roksta bakalaura i magistra dorbus, īsapazeit ar cytu studentu pīredzi, kai ari cytus īpazeistynuot ar sovu pīredzi.Šudiņ 40 bārni nu Viļānu piļsātys moznūdrūšynuotajom saimem Reigā apmeklēs Latvejis Nacionaluos operys baleta izruodi “Pelnruškeite”. Īspieja pabyut Reigā i apmeklēt baleta izruodi bārnim teik duovynuota ar Reigys Samarīšu apvīneibys i Latvejis Nacionaluos operys atbolstu.
Daugavpilī nūsasliedzs 3.starptautiskais pūļu folklorys festivals “Pūļu folklora Latgolā”. Šudiņ viņpadsmytūs paradzāts nūlikt pučis pi krysta Slobodkā, kas uzstuodeits par pīmiņu krytušajim pūļu legionarim. Piec tam radūšī kolektīvi i festivala gosti dūsīs svātku guojīnī pa Varšavys īlu, bet pus vīnūs Daugavpiļs Pūļu školā nūtiks festivala finalkoncerts.
Jākubpiļa piļsātys dūmis īsnīgtais projekts “Latvejis Nacionaluos operys izruode Dž. Pučini “Turandora”” sajāmuse finansialu atbolstu projektu konkursā Latvejis Kulturkapitala fondā. Projekts tyka pīsaceits sadaļā “Muzykys i dejis muoksla” i sekmegai puorvarieja 2. kuortu, sajamūt finansiālu atbolstu – 1000 latu.
Daugovā pi Daugavpiļs vakar nūjimta beidzamuo absorbejūšu bonu rynda. Jiurys i absorbejūšuos bonys vairuok nakai pyrma mieneša Daugovā pi Daugavpiļs tyka uzstuodeitys, kab savuoktum nu Boltkrīvejis īplyustūšū dīzeļdegvīlu. Jiurys bonys i vairuokys ryndys absorbejūšū bonu nūjimtys jau apmāram pyrma nedelis.
