“Balvu Enerģija” suok apkuris sezonu
Nu šudines “Balvu Enerģija” suok jaunu apkuris sezonu pylsātā. Ari itamā apkuris sezonā Bolvu kotlusātys syltumapguodis nūdrūšinuošonai pylsātā izmontūs šķeldu i zuodžu skaidys.“Balvu enerģija” atguodinoj, ka ar daslāgumim navaidzātu kavietīs, jo myuslaiceigi syltummazgli, kas izstuodeiti vysūs apsilduomajūs objektūs, dūd īspieji izavieliet ekonomisku syltumenerģejas patieriņa režimu.
Šudin Riezeknē, Valsts rūbežsardzis koledžā, suoks eistenūt rūbežsorgu kvalifikacejas paaugstinuošonas programmu “Robežkontrole Eiropas Savienībā”. Programma, kas ilgs 12 nedeļis, paradzāta Valsts rūbežsardzis inspektorim i jaunuokajim inspektorim, kurī īsaisteiti rūbežkontrolē i kurim nav īgyuta profesionaluo vidiejuo izgleiteiba.
Nu šudines da 3.oktobram Daugavpils kulturas darbinīku delegaceja gasteis Ukrainas pylsātā Odesā, kur īsapazeis ar ituos pylsātas pīredzi kultūras jūmā i dybinuos jaunus kontaktus. Kūpumā Odesu apmeklies 21 Daugavpils kulturas darbinīks.
Riezeknis Izgleiteibas puorvalde 2008.goda suokumā izsludinuos kuortejū konkursu, kab sadaleitu leidzfinansiejumu nūmetņu organiziešonai Riezeknis bārnim i jaunīšim. Puorvaldis apkūpūtī dati līcinoj, ka pošvaldeibā organizātū nūmetņu skaits kotru gadu daaug. 2005.godā tika organizātas septeņas nūmetnis, bet itamā godā – 11.
Šudin Bolvu vuiceibu īstuožu audziekņim suokas pylsātas pošvaldeibas organizātais konkurss “Esmu aktīvs”.Konkursa gaitā školāni īsapazeis ar Bolvu i Alyuksnis kulturas montojumu, muokslas dorbim, kulturas objektim, īstuodem, kolektivim i muokslinīkim. Konkursa mierķs ir veicinuot bārnu i jaunīšu vierteiborientaceju personeibas veidūšonuos laikā, rūsinuot jaunatnis rodūšu īsasaisteišonu kulturas procesūs, veicinuot Bolvu pylsātas kulturas i izgleiteibas īstuožu sadarbeibu.
Nu šudines Daugavpilī nūrieķini par patārātū syltumenerģeji dzeivuotuojim byus juoveic pēc dzeivojamajuos sātuos izstuodeitajim syltumskaiteituojim. Da šam Daugavpils dzeivuotuoji par apkuri moksova atkareibā nu dzeivojamuos plateibas leluma. Itamā šaļtī dzeivojamajuos sātuos teik pabeigta syltumskaiteituoju izstuodeišona. Paraleli Jaunajā Forštatē i Ruģeļūs nūteik byuvdorbi, kas saisteiti ar puoreji no četru cauruļu iz diveju cauruļu syltumapguodis sistemu.
