Atzineibys roksts Ludzys piļsātys prīkšsādātuojai Valentīnai Lazovskai
Regionāluos atteisteibys i pošvaļdeibu lītu ministrs Edgars Zalāns vakar pasnīdze Ministru kabineta Atzineibys rokstu Ludzys piļsātys prīkšsādātuojai Valentīnai Lazovskai. Vaļdeibys apbolvuojums Lazovskai pīšķierts par nūzeimeigu īguļdejumu pošvaļdeibys atteisteibā.Lai Leivānu nūvoda pošvaļdeibys integrātuos atteisteibys programmā varātum īstruoduot arī nūvoda īdzeivuotuoju prīkšlykumus, Leivānu nūvoda dūme nu šudiņdīnys da 17. decembram reikoj programmys 1. redakcejis sabīdriskū apsprīšonu. Nūvoda atteisteibys plānā turpmuokajim septeņim godim jau ir īstruoduoti daudzi pošvaļdeibys, nevalstiskū organizāceju, uzjiemieju i īstuožu prīkšlykumi, taču arī kotrs īdzeivuotuojs varēs papyldynuot itū plānuošonys dokumentu, prīkšlykumu veidā īstruodojūt tymā sovus sapņus i redziejumus.
Šudiņ sešūs, jau deveitū godu pec kuortys, Riezeknis Augstškolā nūtiks Andrejdīnas literari muzikalais pasuocīņs, kuramā sovu jaunuokū dzeji skaiteis Anna Rancāne, Valentīns Lukaševičs, Linda Kilevica i cyti – vaira i mozuok zinomi, literarajā lauceņā “ībridušī” ceļinīki. Muzikalajā daļā itūgod izastuos da Gunchi. Itugod pasuocīņa kūpsauciejs ir REMONTS – augstškolas, dvieselis, ceļa, naceļa, teksta itt.
Šudiņ trejūs Kruoslovys centrālajā bibliotekā nūtiks projekta “Kruoslovys centrāluos bibliotekys gruomotu fonda latviskuošona” prezentāceja. Realizejūt projektu, Kruoslovys nūvoda centrāluo biblioteka sajāmus Latvīšu fonda ASV pyrmūs 960 latus jaunu gruomotu īguodei. Projekta realizācejai kūpumā pīšķierti. 5000 ASV dolāru.
Svātdiņ, 2. decembrī, četrūs Latgalis Kultūrviesturis muzejā, īdadzynojūt pyrmū sveci adventis vaiņugā, nūtiks dzejis piecpušdīne ar teatrāli muzikālu Inetas Atpiles-Juganes dzejis izspēli. Dzejis ītierpšona tālūs i muzykā uzajāmus poša dzejis autore, bet dzejneicai paleidzēs Rēzeknis Augstškolys asūšī i bejušī studenti, kai arī docātuoja Ilga Šuplinska. Vārojūt i klausūtīs teatrāli muzikālū prīkšnasumu, kluotesūšī varēs dabuot mozeņķu īskotu Atpiles-Juganes tūpūšajā dzejis gruomotā “Reveranss. Sarkans uz sarkana” .
