Atzineibys roksts Jākubpilei par kulturys atbolstu
Paguojušajā nedelis nūgalē Kulturys montuojuma “Goda bolva 2006” Nominacejā “Pošvaļdeibys atbolsts kulturys montuojuma jūmā” atzineibys roksts pasnīgts Jākubpils piļsātys dūmei. Jākubpils pošvaļdeiba atzineibu sajēme par atbolstu pīminis zeimis i granita monolīita uzstuodeišonā pi Strūves geodeziskuo lūka punkta “Jākubpils” Strūves parkā.Vēļ Jākubpiļs pošvaļdeiba sajāmuse atzineibyu pasaulis elektroniskūs mediju i interneta lopu konkursā “Elektroniskū mediju bolva 2007”. Kai Latgolys radeju informej Jākubpils dūmis sabīdriskūs attīceibu specialiste Elīna Bite, e-vaļdeibys nominacejā par veiksmeiguokū atzeits Jākubpiļs pošvaļdeibys elektroniskais resurss “www.jekabpils.lv”.
Šudiņ Rēzeknis dūme lems par dotaceju Rēzeknis Svātuos Treisvīneibys evengeliski luteriskuos draudzis bazneicys remontam, Dūme plānuojuse ari lemt par pošvaļdeibys SIA “Rēzeknis slimineica” i AS “Rēzeknis syltumteikli” pamatkapitala palelynuošonu, grūzejumim Rēzeknis piļsātys budžetā 2007.godam i ctim vaicuojumim.
Šudiņ Rēzeknis rajona padūmis konferenču zalā turpynojās seminars buoreņtīsu i socialūs dīnestu darbinīkim “Riska faktoru nūviertiešonys kritereji nalobvieleiguos saimēs”. Seminaru organizej SIA “Pošvaļdeibys konsultacejis centrs” sadarbeibā ar Bārnu i saimis lītu ministreju.
Šudiņ turpynojās Kruoslovys piļsātys svātki, kuru laikā paradzāta plaša kulturys programma. Šudiņ septeņūs vokorā Kruoslovys kulturys nomā paradzāta latvīšu spieļfilmys “Par tū narunoj”, kurys režisore ir Una Celma, pyrmizruode, kai ari tikšonuos ar aktīrim i filmys radūšū grupu.
Šudiņ i reit Ludzā, Mozuo Ludzys azara krostā nūtiks 6.Starptautiskais autordzīsmu festivals. Šudiņ trejūs suoksīs futbola i volejbola sacenseibys, kuramous pīsadaleis vairuoku paaudžu sportisti nu Ludzys, Reigys, Daugavpiļs i cytom Latvejis piļsātom, četrūs dzīduotgrybātuojim byus programma “Breivais mikrafons”, ostoņūs planuota festivala konkursa programma ar vītejūs, Latvejis i uorzemu gitaristu uzastuošonu.
Šudiņ Leivuonūs nūtiks kapellu svātki, Leivuonu piļsātys svātku gaiduos nūtiks jau par tradiceju palykušuo akceja “Duovynoj pučis sovai piļsātai”, kur kotrs leivuonīts aicynuots duovynuot pučis puču viļņa taiseišonai. Pl.17:00 Leivuonu Inžinertehnologiju i Inovaciju centrā nūtiks Leivuonu nūvoda Gūda sportistu saliduojums. Vāluok Tradiceju laukumā piļsātys īdzeivuotuoji i gosti aicynuoti iz tautys sasadzīduošonu. Ostoņūs vokorā suoksīs kapelu svātki i zivu zupys mīlasts.
