Atsevišku programu nalatviskim regionim
![](https://lpr.gov.lv/wp-content/uploads/2005/dezuratteli/79.jpg)
Šudiņ Daugavpilī gasteis Beļgejis viestnīceibys Latvejā padūmnīks ekonomikys vaicuojumūs Frederiks Biava. Tikšonuos laikā dūmē paradzāts apsprīst Daugavpiļs lidūstys atteisteibys planus i īspiejamū sadarbeibu ar Beļgejis regionalajom lidūstom.
SIA “Preiļu slimineica” sadarbeibā ar projekta partnerim organizej presis konferenci par puorrūbežu pilotprojekta “Teleradiologejis teikla atteisteibu starp Latvejis i Lītovys slimineicom” realizaceju, projekta mierķs ir nūdrūšynuot dīnnakts pīejameibu radiologejis pakolpuojumim i konsultacejom. Projekta iniciatore ir Preiļu slimineica, tymā īsasaistejš: Ludzys slimineica i Paula Stradiņa Medicinys universitatis slimineica Latvejā, kai ari Zarasai i Kaunis Medicinys Universitatis slimineica Lītovā.
Šudiņ Rēzeknē Piļsūneibys i migraceju lītu puorvaļdis prīkšnīks Vilnis Jēkabsons atkluos Piļsūneibys i migraceju lītu puorvaļdis Rēzeknis piļsātys i rajona nūdalis klientu apkolpuošonys zalu, kura ir pīlāguota klientu parūceibom i kvalitativai pakolpuojumu snīgšonys i sajimšonys sistemai.
Rēzeknis dūmis Finanšu i budžeta komiteja vakar nūlēme konceptuali atbaļsteit 9950 latu pīšķieršnu izdemolātūs vacticeibnīku kopu teritorejis uzkūpšonai. Latgolys Radeja jau ziņova, ka naktī iz 4.juni vandali izdemoliejuš vacticeibnīku kopus. Vandali sabūjuojuš 96 kopu pīminekļus, izmātuojuš pučis, salauzuš i apguozuš krystus.
Boltkrīveja ir īinteresāta Latvejis investoru pīsaistē, deļ to pīduovoj sadarbeibā īinteresātojom personom breivuos teritorejs, īspieju īsaguoduot Boltkrīvejā rūbežu i suokt dorbu, – vakar gastejūt Daugavpilī, sacie Vitebskys uzjiemieji.
Balvu dūme apstyprynuojus Balvu piļsātys teritorejis atteisteibys programmu 2007.-2010. godam. Itymā dokumentā izstruoduota itaida Bolvu atteisteibys vizeja, ar kurū 2010. godā Balvi ir administrativi nūzeimeigs Latgolys zīmeļu centrs, kur pošvaļdeibai svareiguokais ir cylvāks, juo dzeivis vidis kvalitate.