Atkluos Austrumlatgolas regiona sadzeivis atkrytumu apglobuošonas poligonu “Križevnieki”

Šudiņ Riezeknis rajona Ūzūlainis pogostā plkst.11 nūteik Austrumlatgolas regiona sadzeivis atkrytumu apglobuošonas poligona “Križevnieki” oficialuo atkluošona. Poligons izveiduots projektā “Sadzīves atkritumu apsaimniekošana Austrumlatgales reģionā”, tuo kūpejais finansejums 5,8 miljoni eiro, nu kurim 75% ir ES Kohezejas fonda finansejums. Planuots, ka poligona atkluošonas pasuokumā dasadaleis vysi projekta realizātuoji, tymā storpā puorstuovi nu 53 pošvaldeibom, vidis ministrs Raimonds Vējonis i ministrejas puorstuovi, byuvnīki.

Riezeknē, Valsts rūbežsardzis koledžas (VRK) Sporta vuiceibu centrā šudien nūtiks Valsts rūbežsardzis (VRS) 2007.goda spartakiadis sacenseibas šaušonā. Sacenseibuos dasadaleis Valsts rūbežsardzis koledžas, Valsts rūbežsardzis Golvenuos puorvaldis, Valmīras, Viļakas, Ludzas, Daugavpils, Jelgovas, Līpuojas, Ventspils i Reigas teritorialū puorvalžu izlasis. Sacenseibas ik godu teik reikūtas ar mierķi sekmiet lītišķū sporta veidu atteisteibu Valsts rūbežsardzē, kai arī nūsaceit lobuokūs šuoviejus.

Pīktdiņ, 26.oktobrī, tiks svineigai atkluots Šengenas konvencejas finanšu programmas laikā izbyuvietais Valsts rūbežsardzis (VRS) Ludzas puorvaldis Aviacejas bazis komplekss.Svineiguo pasuokuma laikā kluotasūšūs īpazeistinuos ar divejim jaunim helikopterim, kurī īsaguoduoti Šengenas konvencejas finanšu programmas gaitā.

Nu šudiņes da 26.oktobrim Daugavpilī dorba vizeitē gasteis Pūlejas sadraudzeibas pylsātas Radomas delegaceja. Gosti Daugavpilī īsapazeis ar Pošvaldeibas policejas dorbu, apsamaineis pīredzē, dibynuos jaunus kontaktus i sprīss par sadarbeibas paplašinuošonu storp obejom sadraudzeibas pylsātom.

26.oktobrī, plkst. 17 byuvnīceibas nomā „Kurši”, Daugavpils rajonā Naujenes pogostā, Vecstropūs, nūtyks pyrma mieneša Ludzas rajona Malnovā i Kuorsovā safilmāto “Borowa MC” klipa „Baba Toņa inženers” prezentaceja. Pirciejim „Kuršos” byus arī pusstuņdi garš „Borowa MC” koncerts.