Ari Latgolā losa parokstus

Vakar pyrmajā parokstu vuokšonys dīnā, kab īrūsinuotu tautys nūbolsuošonu par Vaļsts prezidentis Vairas Vīķes-Freibergas apturātajim grūziejumim ar valsts drūšeibu saisteitajūs lykumūs, vysā vaļstī kūpumā vāruojama lela īdzeivuotuoju atsauceiba.

Jiekabpilī i Jiekabpiļs rajonā tautys nūbolsuošonys īrūsynuošonai vakar savuokti 29 paroksti, Daugavpilīši parokstu vuokšonā bejuši kūtruoki. Parokstu vuokšona ilgs 30 dīnys – da 2.majam. Parokstu vuokšanys vītas byus atvārtys kotru dīnu, arī breivdīnuos i svātku dīnuos, i parokstu vuokšonys vītu dorba laiks byus četrys stuņdis dīnā.

Daugavpiļs dūmis prīšksādātuojis Ritys Strodis īnuokumi pārn beja 23 509 lati i 1000 eiro,- līcynoj īnuokumu deklaraceja. 23 509 latus R.Strode nūpelnejuse Daugavpiļs dūmis prīšksādātuojis i pošvaļdeibys deputatis omotā. Sovukuort 1000 eiro jei īgivuse puordūdūt sovu 1991.goda izlaiduma automašynu “Nissan Sunny”.

Šudiņ Kruoslovā, Varaveiksnis vydsškolā, tiks reikuota školuotuoju konference “školānu adaptaceja vyspuorejuos videjuos izgleiteibys programu apgivis suokumpūsmā”. Konferencis mierkis veiduot školānūs prasmi patstuoveigi vuiceitīs i pylnveidūtīs, motivēt myužizgleiteibai i apzynuotai karjerai, sekmēt školānu pozitivi kritisku i sociali aktivu attīksmi i pīnuokumu izpratni.

Erudicejis konkursa biblioteku laseituojim caturtamā kuortā “Meklej i atrūn datu bāzē letonika.lv” uzvariejuse Viļuonu piļsātys bibliotekys komanda “Rebound” – Irita Skurule, Gunita i Inita Medveckas. Konkurss nūteik trejos leimiņūs. 10.aprelī nūzasliegs pyrmais pūsms. Latgolys regionalais finals nūtiks Latgolys Centralajā bibliotekā Daugavpilī 21.aprelī.

Da 12.apreļam Rēzeknis dūmis Socialuos apryupis puorvalde reikoj Leldiņu lobdareibas akceju, kurys laikā moztureiguokī riezeknīši varies sajimt syltys pušdinis – škeivi supa i maizi.
Pušdinis varies sajimt Riezeknes naktspatversmē Raiņa īlā 9b laikā nu 12:00 leidz 14:00 .

Par kūlys dadzynuošonu Rēzeknis tīsa ir sajāmuse pīcys lītys, nu kurom četrys vēl tiks skaiteitys, bet vīnā nūtīsuota pensionare jau izcītuse struopi, pavodūt arestā divejis dīnnakts policejis izolatorā.