Apsaver krucifiksi.lv
Dorbu suokuse virtuāluo Latgalis krystu enciklopēdeja www.krucifiksi.lv itymā portālā plašuokai auditorejai ir dabojama informāceja par Latvejis austrumu nūvodam rakstureigū tautys muokslys veidu i gareiguos dzeivis sastuovdaļu , kū vītejī dzeivuotuoji sauc par ceļa molys jeb sādžu krystim.Šudiņ Rēzeknis rajona Griškānu pogasta “Dreizos” svineigai atkluots jaunuo dzeramuo iudiņa atdzelžuošonys stacejis komplekss. Svineigajā pasuokumā pīsadaleja Vidis ministrejis, kai arī saisteitūs institūceju i pošvaļdeibu puorstuovji.
Leivuonu nūvoda dūmis izsludinuotajā konkursā “Līvānu novadam raksturīgākais suvenīrs” sajemti četru daleibnīku dasacejumi. I šudiņ tiks paziņuoti konkura uzvarātuoji. Leivuonu nūvodu reprezentejušuos duovonas/suvenira idejis autors – pyrmuos vītas īgiviejs – bolvā sajems 150 latus, bet ūtruos i trešuos vītas īgivieji – atzineibas bolvas.
Šudiņ Latgalis kultūrviesturis muzejā trejūs tiks atkluota muokslinīka Aleksandra Stankeviča dorbu izstuode. Muokslinīkam, svinejūt sovu 75 godu jubileju, taps četrdaļeigs lelformāta dorbs “Nuok”. Vierīneigais dorbs iz Stankeviča dzimtini Rēzekni atceļuojs nu Reigys, lai arī riezeknīši var baudeit Latgalei veļteiū, piec etnogrāfiskim motīvim veiduotū kompozīceju, kurys topšonā muokslinīks pīsaturiejs pi arheologu i etnogrāfu pietejumim, kai arī konsultiejīs ar viesturnīkim.
