Aldermane sveic 9000.Daugavpilī naturalizātū Latvejas pylsūni
Naturalizacejas puorvaļdis prīšknīce Eiženija Aldermane šudiņ (10.10.2007.) Daugavpils dūmē sveiks 27 naturalizacejas kuortā Latvejas pylsūneibā uzjemtuos personys, tymā vydā arī 9000.Daugavpilī naturalizātū pylsūni.Minātuo pylsūne ir 27 godus vacuo SIA “EKOLAT” byuvtehniķe i Reigas Tehniskuos universitatis studente Olga Larionova, kura pyutieju orķestrī “Latgale” spielej flautu, kai arī nūsadorboj ar sporta dzigom i struodoj kai horeografe popgrupā “Vijolīte”.
Šudiņ plkst.11 SIA “Jēkabpils Siltums” ustabuos nūtiks Latvejas Syltumuzņiemumu asociacejas (LSUA) siede.Apsprīst siedē paradzāts vaicuojumus par izmešu kvotu īspaidu iz syltumenerģejas tarifim, par dobysgazis cenu īspaidu iz syltumenerģejas tarifim i cytus vaicuojumus.
Šudiņ Riezeknis dūme pluonoj paraksteit leigumu par 4 miljonu latu kredita jemšonu Valsts kasē. Kreditu paradzāts jemt Valsts kasē ar tuos nūsaceitū procentu likmi iz 25 godim, ar atlyktū moksuojumu iz divejim godim.Itī leidzekļi paradzāti īguldejumam pošvaldeibas kapitalsabīdreibas “Rēzeknes enerģija” pamatkapitalā investicejom Riezeknis pylsātas syltumapguodis nūdrūšinuošonai.
SIA “Latgales enerģija” nūsyutejuse viestuli Reģionaluos atteisteibas i pošvaldeibu lītu ministrejai ar lyugumu nu omota atcelt Riezeknis dūmis prīšksiedietuoju Juri Gunti Vjaksi, jo, pēc uzņiemuma vadeibas izskotim, taišņi pylsātas mera “bezdarbeibas rezultatā” itamā šaļtī Riezeknei ir problemas ar syltuma apguodi.
