Loading notikumi
  • Šis notikums ir pagājis.

Velomuzykys koncerts Malnovys šmakovkys muzejā

1. jūlijs plkst. 20:00 - 22:00

25.junī nu Kūku dzeļžaceļa stacejis startēs “Velomūzika 2019”. Jau deveitū reizi muziki, akteri i leidzbraucieji meis pedaļus i maineis muzyku pret naktssātu. Itūgod Velomuzyka izavieliejuse sovus ceļus i stygys meklēt Latgolā.

Malnovys šmakovkys muzejā 1. julī, suocūt nu 20.00 stuņžu klauseituojus prīcēs Velomuzykys muzyki. Velomuzykā pīsadaleis jau cytūs godūs satyktī – bundzinīks Juris Kroičs, tausteņinstrumentu puorvaļdnīks Kaspars Tobis nu “Dzelzs vilka”, gitarists Māris Bīmanis, Latvejis Nacionaluo teatra akteri Kaspars Zvīgulis, Arturs Krūzkops i Ilze Blauberga, kai ari muzykis Kārlis Kazāks. Itūgod muzykalajam kolektivam dsavīnuos basgitariste Maija Ušča i gitarists Aivars Vaišļa. I nikod jau navar zynuot, kaidi vēļ puorsteigumi pīsavīnuos poši!

“Prīca, ka Latgola i latgalīši ar sovu sirsneibu var īdvesmuot cylvākus braukt iz iteni ar velosipedim, kab sajustu, izbaudeitu myusu nūslāpumainū kulturu i ar kotru gasteišonys dīnu īgiutu sev jaunu pīredzi. Tys ir lels gūds i patīsa prīca uzjimt gon gostus, gon muokslinīkus sovā sātā,” uzsver Latgolys šmakovkys muzeja Malnovā saiminīks Juoņs Krivtežs.

Da ituo Velomuzyka ir pīveikuse 4000 kilometrus pa Latvejis attuoluokajim nūvodim, izavielejūt mozuokūs ceļus i aizaugušuokuos stygys, kas vad iz vysšmukuokajom vītom i nūtikšonom. Pīdzeivuoti vaira nakai 60 koncerti naktssātu vītuos i vēļ naskaitomys muzykalys šaļtenis ceļā. Sekuot Velomuzykai var vītnis Facebook.com lopā www.facebook.com/velomuzika.

“Bet myusim nav gona! Velomuzyka ir klivuse par myusu aizaraušonu. Latveja – par daļu nu myusu pošu. Velomuzyka mums kotram i kotram satyktajam cylvākam nūzeimoj koč kū cytu. Maņ tei ir saaugšona ar sovu zemi. Ar sovejim,” tai muzykalū ikvosorys pīdzeivuojumu aproksta tuos dalinīks Kārlis Kazāks.

Nūgiuņ Velomuzyku tuos ceļā, bet, ka tys nav īspiejams, tod vīnkuorši puorskaiti ituo gods maršruta pīturys punktus. Tī ir šmuki i eipaši vuordi. Tuos ir pīpiļdeitys i napīpiļdeitys sātys. Tuos ir vītys, kurys mes gribim satikt – pyrmū reizi ci tymuos atsagrīzt. Nalels īskots Velomuzykys braucīnī 2013. godā –www.youtube.com/watch?v=ZkdN0ypXZaE.

Kūkys, Dīveni, Rāksola, Margitova, Zablūdnīki, Arendole, Nīdermuiža, Kozupi, Ārdava, Fintmuiža, Lopoti, Kuņdziniški, Soleimi, Puorpuci, Obročnaja Statja, Dorotpole, Pipiri, Padari, Rubinauci, Svarinci, Škrjabi, Namjoti, Idzepole, Fedorki, Pracapole, Tribuki, Iudri, Felicianova, Cybla, Franapole, Ierzeļova, Perekli, Lapatnīki, Īrubine, Sausinīki, Nūmierne, Svātyune, Čūdarīne.

Velomuzykys koncerti:

Ituo gods braucīņa laikā, taipoš kai īprīkšejūs godūs, Velomuzykys koncerti sevkuram interesentam byus pīejami bezmoksys. Koncertu suokums ap 20.00 stuņdem.

Informaceju sagataveja: Anna Zīmele, Kuorsovys nūvoda turisma organizatore, Telefons: 29 327 265, E-pasts: anna.zimele@karsava.lv, www.karsava.lv

 

Detaļas

Datums:
1. jūlijs
Laiks:
20:00 - 22:00
Kategorijas:
, ,