Loading notikumi
  • Šis notikums ir pagājis.

Pīterdīna Rogovkā!

29. jūnijs plkst. 19:00 - 22:00

Namaineiga Rogovkā ir tradiceja 29. junī svinēt Pīterdīnu, kod nautrānīši gūdynoj dzejnīku Pīteru Jurciņu. Ir bejuši koncerti, vakariešona pi guņskura, pogostu amatermuokslys kolektivu uzastuošonuos i citys aktivitatis, bet namaineigs ir pīminis breids Desetnīku kopūs, pi dzejnīka atdusys vītys.

Itūgod Pīterdīna nūtiks tīšraidē nu Rogovkys centra, Nautrānu sporta hallis – kulturys noma Facebook.com kontā, nalabvieleigu laika apstuokļu gadejumā – nu Nautrānu sporta hallis – KN. Varēsim baudeit koncertu, kurā ar sovom dzīsmem prīcynuos Sovvaļnīks, taipat debitēs Arņs Slobožanins ar grupu “PusKapļi”. Jis par “PusKapļim” stuosta: “Nu grupys “Kapļi” ir palykuse tikai puse – es, Jurs i Rasma, bet ūtrei puse, īskaitūt vokalistu, ir pasamainiejuse. Dažaiduoku dzeivis pagrīzīņu rezultatā “Kapļus” ir nūliems atstuot Oskars (Raibīs), praktiski jau jis beja tys golvonais “mesidža” nesiejs, kai pats soka – cylvāks ar mikrofonu. Mes sarunuojam, ka grupa dreikst izpiļdeit juo dzīduotuos dzīsmis, bet tagad tū dareis Margarita Kolosova, tik vajadzeigs grupai cyts nūsaukums . Tai kai nu suokūtnejuos grupys mes palykom puse, tod tagad sauksimēs “PusKapļi”. Kod mes īsadūmuojam par Margaritu kai solisti, mes saprotom, ka jei tai “kapleigi” tū vysu izdareis. Pyrmais koncerts tagad byus Rogovkā, par kū vysi asom cīši, cīši prīceigi i saviļņuoti.”

Koncerta laikā nūtiks Jaunūs literatu konkursa, kas ir veļteits P. Jurciņa pīmiņai, nūslāgums. Itūgod konkursa moto ir Pītera Jurciņa vuordi: “Tu tymsumam par speiti nes sovu gaismekleiti.” Konkursa dorbu īsniegšonys laiks tyka pagarynuots leidz 20. juņam.

Pasuokums nūtiks ar SIA “Latvijas Valsts meži” i Vaļsts kulturkapitala fonda Latgolys kulturys programys finansialu atbolstu.

Inga Vigule, Nautrānu sporta halles – KN vadeituoja

Detaļas

Datums:
29. jūnijs
Laiks:
19:00 - 22:00
Kategorijas: