Loading notikumi
  • Šis notikums ir pagājis.

Čangaļu saīts ci latgaļu oļimpiade

1. KAS TYS BYUS?
Aicynom saīt kūpā vysus, kas sevi sauc par latgaļīšim, runoj i dūmoj latgaļiski i kam latgaļīšu volūda ir tyva sirdei. Suokumā pazaprīcuosim par dzīsmiņeicys Džeinis Gavaris gleznom i dzīsmem, a tod ģiusimēs kluot lelajai komandu oļimpiadei. Vairuokūs uzdavumūs byus juoizskaidroj dažaidi latgaļīšu vuordi, juoteik golā ar vīnu ūtru dzīsmi, juopaspeid ar erudiceju Latgaļis viesturis i ģeografejis zynuošonuos i kūpā ar cytim juopaveic veļ vairuoki uzdavumi.

2. NU KUO SASTUOV KOMANDA?
• Komandys daleibnīku skaits- 10 voi leidz 10.
• Komandai vajag sovu nūsaukumu i uzsaucīņi.
• Komandys izskotam nav ogļigatu praseibu, a, ka atbrauksit sazapuciejuši, tod byusim cīši prīceigi i bez īviereibys tū naatstuosim!

3. MUOJIS DORBS
Itymā raizī nagaidom nu Jyusim dzīsmu ci doncuošonu, muojis dorbs ir izdūmuot, sagatavuot i pajimt ļeidza 1 (vīnu) iedīņi, kū Jyus skaitot par latgaļīšu virtuvis naatjamamu daļu ci- kas deļ Jyusim ir latgaļīšu tradicionalīs iedīņs.
4. KOMANDU PREZENTACEJA
Kotrai komandai byus juopasoka sovs nūsaukums, uzsaucīņs i juopastuosta par sovu sagatavoutū iedīņi, kū piečuok ļiksim iz kūpejuo golda, āssim poši i cīnuosim sābrus.
5. KŪ VEĻ LOBU GRYBOM PASACEIT?
Nazabeisim nu tuo, kuram kai veiksīs oļimpiadī, kurš cik punktu sakruos, prīcuosimjās par kūpā byušonu, jautri pavadeisim laiku, baudeisim latgaļīšu muokslu i dzīsmis. A ka veļ kaidi jautuojumi, to zvoņit pa T.: 25127340 i vysu sarunuosim! 

Detaļas

Datums:
28. februāris
Laiks:
17:00
Kategorijas:
, ,