Bez tēmas 

Tova īspieja sevi pīruodeit i snēgt īguļdejumu Latgolys (leidz ar tū vysys Latvejis) atteisteibā

Mekleju paleigu deputata dorbā – taitod Latgolys sabīdreibys interešu puorstuovnīceibys lītuos. Pamatdarbeiba paradzāta Latgolys (vysā) regionā: komunikaceja ar vysu vacumu ļaudim, pašvaļdeibu, uzjiemieju, navaļstiskūs organizaceju, izgleiteibys īstuožu i plašsazinis leidzekļu puorstuovim. Vālamys lobys prasmis datora i škārsteikla īspieju izmontuošonā. Juosareikinoj, ka daļa pīnuokumu byus juoveic uorpus normātuo dorba laika (taitod vokorūs i breivdīnuos).


Nabyutu slyktai, ka Tev byutu interese izreiz voi ar laiku pošai/-am īsasaisteit aktivā sabīdreibys interešu puorstuovnīceibā (taitod politikā).
Iz e-postu juris.vilums@saeima.lv da ituo gods 30.novembram atsyut eisu motivaceji (na vairuok par ½ A4 lopys) i treis cylvāku kontaktus, kas var snēgt viertejumu par Tovu leidzšinejū darbeibu. Atzeimej, voi gribi struoduot pylnu slūdzi voi esi gotovs īsasaisteit ari (voi tikai) pa daļai, kai ari nūruod atolgojuma apjūmu, par kuru esi gotovs dareit sovā motivacejā nūruodeitū i takūšūs deputata uzdūtūs dorbus.
Tovai zynuošonai – lykumdūšonā uzskaiteiti itaidi deputata paleiga oficialī pīnuokumi:

  • īsaklauseit vālātuoju īrūsynuojumūs i syudzeibuos, izskateit vālātuoju īsnīgumus;
  • kuortuot sadarbeibā ar pašvaļdeibu, kai ari uzjāmumu i organizaceju vadeituojim vaicuojumus, kas saisteiti ar vālātuoju pījimšonu;
  • organizēt deputata i vālātuoju sasatikšonys (sapuļcis);
  • nūdrūšynuot deputatu ar dorbam vajadzeigū informaceju;
  • pījimt vālātuojus vālātuoju pījimšonu starplaikā i piec deputata nūruodejuma rysynuot īsaceitūs vaicuojumus ar omotpersonom i īstuodem;
  • nūskaidruot vālātuoju redzīni par Saeimys i deputata darbeibu;
  • informēt vālātuojus piec deputata nūruodejuma;
  • kuortuot ar deputata darbeibu saisteitūs saimnīciskūs i tehniskūs vaicuojumus;
  • kuortuot deputata lītvedeibu.

Ar cīnu,
Latvejis Republikys 11.Saeimys deputats,
Jurs Viļums
Reformu partejis vaļdes lūceklis – Latgolys regiona puorstuovs,
jureits@jureits.lv
juris.vilums@saeima.lv
jureits.lv
Twitter: @jureits, @LG_deputati