Spieceiga rokmuzyka goda nūgalei – dzīsme i gaidoms albums

Latgalīšu rokmuzikis Sovvaļnīks jaunū albumu īskandynoj ar patriotisku dzīsmi. Albums byus pīejams jau 2010. goda pādejuos dīnuos.

„Bolts susātivs” – tai sauksīs Sovvaļnīka ūtrais albums piec Latgolā apbolvojumus sajiemušuo, vysā Latvejā i strarptautiski nūvārtātuo debejis albuma “Sūpluok”. Rokmuzikis, pabeidzūt dorbu pi jaunu albuma, sūlej itūgod īspaideiguokū roka izdavumu Latvejā.
Tū pīruodūt, klauseituoju viertiejumam teik nūdūts skaņdorbs “Īt muna tauta”, kas smagnieja dzīduojuma i gitarspēlis izpiļdiejumā dūd patriotisku muziķa viestejumu. Koč ari dzīsmē Sovvaļnīks apdzīd tautys grīšonūs pi auškuokim spākim, pats muzikis komentej: “Muokslinīki decembrī spekulej ar tyvojūšū svātku nūskaņom, roda mīreigys, Zīmyssvātku aurā raksteitys melodejis. Es nagrybu uzturēt Zīmyssvātku drudzi, bet runuot par ilgtermeņa vierteibom.” Tū muzikis itymā dzīsmē i vysā jaunajā albumā dora, tekstim izmontojūt nūvodnīka, latgalīša Ontona Kūkuoja ailis, “Bolts susātivs” veļtejūt izcilajam muokslinīkam 70 godu jubilejā. “Vuordus asu apviļcs ituo goda spieceiguokajā i vysu laiku smoguokajā latgalīšu muzykys albumā. Es ceru, ka mes izdzeivuosim,” pībylst muzikis.

Informaceja par vareibu tikt pi jaunuo albuma sekuos.