Puordūmas par Uobeļduorzu!
Paguoja gods, pīguoja rudens – ražas nūvuokšonas laiks, i Latgalīšu muzikanti i ailenīki vacuokejā latgalīšu festivala “Meilys aiļu i dzīsmu festivals “Upītes Uobeļduorzs”” ruodeja sovu dorbu ražu, kas par godi ir sastruoduota!
Jov devītū godi iz Upīti sabrauc grupas i ailenīki nu vusas Latgales. I tuo sanuocs, ka jov vairuokus godus festivalā prezentejam kuodas grupas izdūtū CD, šūreiz prezentejam pyrmū Latgalīšu volūdā izdūtū posaku disku i Daces Kašas debijas albūmu.
Kotru godi jov pazeitamuom i īmeiļātuom grupuom kluot tuojuos jaunas viel nikur naradzātas i nadzierdātas grupas, šūgod lyls prīkas, ka myusu pašu pgasta jaunīši ir sazanāmuši i saveidovuši grupu, kas pavusam našvaki dzīd i muzicej sovas rakstātuos Latgaliskuos dzīmes.
Prīks arī par tū, ka ar kotru godi pi myusīm atbrauc vaira i vaira ailenīku, jū tīši jī pīnas tū rozīnīti vusam pasuokumam. Īdūt tuodu nabejušu nūskaņu.
Daudzi muokslenīki i apmeklietoji izasaceja atbraucūt iz Upīti iz Uobeļduorzu jiutīs kuo sapnie, kuo tuodā vītā, kas eistenībā tikai sapņūs eksistei – tuoda muojīga sajiuta itkuo vusus pazeisti tumā pat laikā lyluokū dali napazeisti, bet vusi vusīm ir draugi, jū iz pasuokumu nuok vusu paaudžu cylvaki suokūt nu dažu mienešu vacuma leidz syrmam vacumam i vusīm ir kū dzierdiet i redziet.
A par tū prūtams lyls paļdīs myus finansiālejīm atbaļstietojīm: Valsts Kulturkapitala fondam, Viļakas nūvoda dūmei, Šķilbanu pogasta puorvaldei, SIA Advors, SIA Dolo, Z.S. Jākupāni i Z.S Kotiņi.
Nuokušgod sviniesem 10 godu jubileju.
iz sazatikšonūs Upītie 17.09.2011.