Latvejā nūtiks plaša mārūga ekoorientiešonuos saceņseibys
![](https://lpr.gov.lv/wp-content/uploads/2007/ilze-sperga/2253.jpg)
![](https://lpr.gov.lv/wp-content/uploads/2007/ilze-sperga/2253.jpg)
Pasuocīņa idejis pyrmsuokumi rūnami Reigys Tehniskuos universitatis Transporta i mašynzineibu fakultatē (TMF), kod projekta „EkoRallijs 89” ītvorūs sasnīgtais rezultats – nu Reigys da Moskovys nūbraukt ar 40 litrim – i šudiņ puorsteidz studentus. Kūpviertiejumā vinneituojs, braucūt ar VAZ-2108, vidieji patērēja 3,08 litrus degvīlys iz 100 km.
RTU TMF studenti i pasnīdzieji jeb vīnkuoršuok – Mehi – ekobraukšonys tradicejis turpynuojuši ari itymā godsymtā, reikojūt meistareigys braukšonys pasuokumus fakultatis ītvorūs, tūmār itūgod daguojuse reize reikuot itaidys saceņseibys plašuokā leidzīnī.
„Saceņseibu pamatā ir treis sporta veidi. Pyrmais ir orientiešonuos ar mašynom, kluot dalykts ralleja princips, partū ka kotrā catūrtajā kontrolpunktā juoīsarūn precizā laikā – nadreikst kavēt i steigtīs. Beidzamais ir ekobraukšona – apakšgrupā vinnej ekipaža ar vysmozuokū degvīlys patiereņu,” stuosta saceņseibu organizators Māris Kjakste.
Kotrā nu saceņseibu kontrolpunktim Sporta akademejis meitinis ir pasaryupejušys par aizraujūšim aizdavumim, kas kotram ekipažys dalinīkam snīgs krītnu aktivuos atpyutys davu i īspieju nūpītni padūmuot. Pi tam trase īt cauri breineigom Latvejis vītom, kuruos kasdīnys celinīku acs īblūdoj reši.
Starts nūtiks kaidā nu DUS “Statoil”, kur dalinīku mašynu baku pyrms starta pīpylda i nūplombej tehniskais komisars, tok moksoj dalinīks. Kaida nataisneiba, pareiz? Tok i finišs byus DUS “Statoil”, kur otkon degvīlys baku pīpiļdēs pylnu, tok niu degvīlu uzsauc “Statoil”! Taitod trasē iztiereituo degvīla ir par veļti.
Kotru dalinīku regitracejis teltī sagaida laipnuos „Battery” meitinis ar pyrmsstarta uzmundrynojumu, a bolvys uzvarātuojim saisteitys ar aktivū atpyutu.
Seikoku informaceju meklej saceņseibu oficialajā sātyslopā www.ekoorientesanas.lv, kur atrūnams saceņseibu nūlykums i kuorteiba, pīsasaceišonys anketa, kai ari vysaidi ekonomiskuos braukšonys padūmi, kas nūderēs kotram autobrauciejam.
Pasuokumu reikoj RTU TMF Studentu bīdreiba „13. promociju padome – Mehi” sadarbeibā ar orientiešonuos klubu „Magnēts” i leldraugiem „Statoil”, „Battery” i t/p „Alfa”, kai ari atbaļsteituojim “SMC Pneumatics Latvia”, “Fusion”, “Erenimi Archery” i “Swedbank”. Informativi atbolsta Latvejis augstuokūs vuiceibu īstuožu Studentu parlamenti i pošpuorvaļdis.
Informaceju sagatavēja
Māris Kjakste,
saceņseibu „Eko Orientēšanās standarta automašīnām” organizators.
+371 26184070
kjakste@inbox.lv
www.ekoorientesanas.lv