Vuolyudzāni jau 10 godus zem ailis

2010. goda 24. aprelī jau dasmytū reizi Rēzeknis 1. vydsškolā nūtyka Latgolys nūvoda olimpiāde latgalīšu rokstu volūdā i skotuvis runys konkurss „Vuolyudzāni”. Itūgod pīsadaleja 57 runuotuoji, 5 vydsškolu komandys (Tiļža, Kuorsova, Baļtinova, Nautrāni, Rēzeknis 5.vydsškola) i 2 Rēzeknis Augstškolys komandys.

1.-4. kl. (20 dalinīku):

1. vīta – Emma Olūtnīka – Veremu pamatškola, školuojuoja Ināra Ratniece; Simona Tretjakova – Galēnu p-šk, šk. Irita Līvmane;
2. vīta – Alfrēds Dērvinīks – Rēzeknis 5. vydsškola, šk. Rūta Dortāne; Kaspars Pigažkovs – Nautrānu v-šk., šk. Ivars Rjabovskis;
3. vīta – Viktorija Krišāne – Mežvydu PI, šk. Vita Krišāne;
Jānis Kaļva – Rēzeknis 5. v-šk., šk. Rūta Dortāne.

5.-9. kl. (27 dalinīki):

1. vīta – Renāts Konovalovs – Galēnu p-šk., šk.Inga Elste;
2. vīta – Emīls Seidars – Nierzys p-šk., šk. Ināra Seidare; Zane Bukša – Baļtinovys v-šk., šk. Anita Ločmele;
3.vīta – Arnis Skrebinskis – Kuorsovys v-šk., šk. Anita Lele; Valters Ludboržs – Rēzeknis 5. v-šk., šk. Ruta Geidāne.

10.-12. kl. (10 dalinīku):

1. vīta – Dainis Skrebinskis – Kuorsovys v-šk., šk. Līga Rundāne;
2. vīta – Lita Stepanova – Cyblys v-šk., šk. Ināra Kuzņecova; Ingars Puncuļs – Rēzeknis Katuoļu p-šk., šk. Valda Igaune;
3. vīta – Kristīne Cabule – Ludzas pils. ģimn., šk. Vanda Žulina.

Olimpiade vydsškolānim nūtyka 5 kuortuos. Pyrmajā kuortā školāni paruodeja sovys prasmis latgalīšu volūdys raksteibā, ūtrajā aizdavumi beja par latgalīšu „prometeju”, rūkroksta literaturys autoru Andrivu Jūrdžu (biografejā juoatrūn 9 oplomeibys) i juo „Myužeigū kalinderi”. Trešajā kuortā školāni atkluoja sovys zynuošonys par latgalīšu dzīsminīku, ceinietuoju par zemnīku tīseibom Pīteri Miglinīku i papyldynuoja attīceibu trejstyurus, i paskaidruoja, kai atsarysynuoja mīlesteibys, socialuos i literaturys atteisteibys problemys O.Rupaiņa lugā „Kod pyrmī gaili dzīduoja”(veļteita P.Miglinīkam), tod caturtuos kuortys aizdavumi beja par Ontonu Kūkuoju, bet pīktajā kuortā – Latgolys kulturys tests.

1.vīta – Nautrānu v-šk. (školuotuoja Veronika Dundure);
2.vīta – Kuorsovys v-šk. (školuotuoja Līga Rundane);
3.vīta – Baļtinovys v-šk. (školuotuojs Imants Slyšans).

Olimpiādis i skotuvis runys konkursa organizātuoji: LVLKŠA, Rēzeknis 1. vydsškola, Rēzeknis Augstškola i Latvejis Universitate. Konkursu finansiali atbaļsteja Rēzeknis nūvoda pošvaļdeiba, Urtanu saime Rēzeknē. Bolvys saryupēja Latgolys Kulturys centra izdevnīceiba, Anta Rugāte, Rēzeknis Augstškola i žurnals „Katuoļu Dzeive”.