Sovvaļnīks vēļ arviņ pots sevī dzeivs
![](https://lpr.gov.lv/wp-content/uploads/2008/edite/2166.jpg)
Jū īdvasmuojuse i aizkustynuojuse Latgalīšu Kulturys goda bolvys “Boņuks” pasnīgšona (atzeits par goda debitantu, a juo albums “Sūpluok” – par goda albumu), kai ari daudzu klauseituoju viestulis ar aicynuojumu turpynuot aizsuoktū. Sovvaļnīks ir suocs dorbu pi sova ūtruo albuma, nu pavasari aicynoj sveikt, klausūtīs juo pyrmū singlu jaunā versejā. Tei ir dzīsme “Pats sevī dzeivs”, kurys jaunajā versejā jeb vol.II Ingars Gusāns pyrmū reizi dzīd latviski, tī kluot – narakstureigūs rytmūs.
Ar itū dzīsmi Ingars klauseituojim gryb nūdūt viesti, ka izturātu mums vysim dīzgon smoguo zīma, i agri ci vālu suoksīs lobuoks laiks daudzuos nūzeimēs.
Dzīsmis muzykys autors – Ingars Gusāns, vuordi – Anna Rancāne, aranžeja – muzykys producents Gints Stankevičs. Latgaliskuos versejis vuordu autors – Oskars Seiksts. Ari vysu cytu Sovvaļnīka dzīšmu vuordu autori ir latgalīšu ailinīki.