Sovvaļnīks aicynoj remiksēt melanholisku rokmuzyku
![](https://lpr.gov.lv/wp-content/uploads/2008/edite/2166.jpg)
Latgalīšu melanholiskais rokmuzikis Sovvaļnīks sadarbeibā ar Latvīšu Radio raidejumu Latvīšu Klubu muzykys stuņde, kas dzieržama kotru pīkdīnu 18 stuņdēs aicynoj veiduot remiksu juo debejis albuma Sūpluok veiksmeiguokajai dzīsmei Vysi vieji. Itū dzīsmi īmeiļuojušs i nūviertiejušs naskaitomi klauseituoji vysā Latvejā, nūpārkūt Sovvaļnīka albuma CD voi digitalū verseju Platforma.lv i DoReMi.lv, kai ari ībolsojū augstuos vītuos dažaiduos dzīšmu aptaujuos. 10 lobuokūs remiksu autori duovonā sajims Sovvaļnīks albuma CD ar muokslenīka autografu, kai ari vysvaira īzapatics dorbs īspiejams tiks izplateits klauseituojim radio, škārsteiklā i cytur, īpazeistynūt ar remiksa veiduotuoju. Taipat, cīši īspiejams, ka lobuokī dorbi tiks atskaņuoti Latvīšu Radio raidejumā Latvīšu Klubu muzykys stuņde.
Sovvaļnīks iz muziķa Ingara Gusāna soloprojekts. Ingars ir muzykys autors I golvonais izpiļdeituojs – gitarists i vokalists, kai ari pīsadaliejs muzykys produciešonā, nu vuordu autori ir latgalīšu ailinīki (dzīsmei “Vysi vieji” – Līga Rundāne). Leidz itam Sovvaļnīka īroksti topušs studejā pi muzykys producenta Ginta Stankeviča. Ingars Gusāns zynoms ari kai grupys Borowa Mc dalinīks, nu kasdīnā ir filologejis doktors i struodoj augstškoluos par pasnīdzieju.
Dzīsmis Vysi vieji tonalitate Do (C) Maj. Dzīsmis temps: 86 bmp. Dzīsmis akapellu i vysus vajadzeigūs materialus dzīsmis remiksam var dabuot ite:
www.latviesuradio.lv/LKMS_faili/sovvalniks/sovvalniks_vysi_vieji_remix.zip.
Puora nūsacejumi remiksa veiduotuojim:
1) remiksu īsnīgšonys termeņš – 25. marts. Remiksus (lobuok linku i remiksa īluodis vītu) syutit iz e-pasta adresu: klubumuzika@latviesuradio.lv ar nūruodi “Sovvalniks”, e-postā snādzūt informaceji par remiksa veiduotuoju (vuords, pavuorde i pseidonims (grupai – nūsaukums), kai ari cytu vālamū informaceju par sevi i topušū dorbu;
2) dalinīki pīkreit, ka remikss reik nūdūts (c+p) Sovvaļnīka i izdevieja magicFIB (SIA “Ideju parks”) eipašumā;
3) remiksa publiciešona ci nūdūšona cytim (dīdžejim, radio itt.) juosaskaņoj ar Sovvaļnīku (rokstīt iz fib@magicFIB.lv), muzykis patur tīseibys aizlīgt izplateit dorbu, pamatojūt aizlīgumu;
Tai kai itys nav oficials LKMS remiksu konkurss, tod lobuokūs dorbus izavieleis pots autors Sovvaļnīks, konsultejutīs ar LKMS. Lobuokī dorbi tiks paziņuoti LKMS sātys lopā: www.latviesuradio.lv/LKMS i www.draugiem.lv/sovvalniks