Borowa Mc izsludynoj Mīlesteibys vokora radūšū konkursu jaunajim alinīkim
![](https://lpr.gov.lv/wp-content/uploads/2007/bodrap-bildis/1458.jpg)
“Puorsaverūt grupys pīcu godu darbeibys laikā muzykali padareitū, secynovom, ka repertuarā cīš daudzi dzīšmu ir taišni par mīlesteibu. Varbyut deļ tuo, ka poši asom jauni i mīlesteiba ruodīs golvonais dzeivē, tei īdvasmoj i ceļ myus spuornūs, voi ari deļ tuo, ka mīlesteiba ir vysapleik. Mīlesteibys vuordi – īspiejams – ir skaistuokī vuordi,” skaidroj grupys “Borowa Mc” solists Aigars Runčis. “Asam nūlāmušs itymā koncertā paruodeit, kai mes asam izrunuojušs Mīlesteibu. Asu puorlīcynuots, ka ituos dzīsmis liks īsapukstēt klauseituoju sirdim par tū, ka reizē liks īsakustēt pazeistamom steigom.”
Mīlesteibys vokorā grupa akustiski spēlēs eipašu mīlesteibys dzīšmu programu gitarys, tausteņu i perkuseju pavadiejumā, bet apmaklātuoji varēs baudeit gon dzīsmis, gon ailis, gon dejis, gon ari omuleigai īsakuortuot iz spylvynim, dzarūt korstu čaju i cytus bufetis “Gauja” pīduovuotus dzierīņus.
Konkursa uzvarātuojim byus īspieja uzastuot kūpā ar grupu “Borowa Mc” ar sovu aļu prīškā skaitejumu 24. februarī, plkst. 19, Muokslys darbinīku nomā, Vaļņu īlā 9, Vacreigā muzykali literarajā grupys “Borowa Mc” Mīlesteibys vokorā.
Sovus radūšūs dorbus aiļu formā kūpā ar kontaktdatim (vuords, pavuorde, vacums, dzeivisvīta, e-posts, telefona numers) i eisu aprokstu par sevi (na vaira kai 2000 zeimis) lyudzam īsyuteit leidz ituo goda 17. februarim iz e-postu borowa@borowa.lv ar nūruodi “Mīlesteibys vokora konkursam”.
Konkursa uzvarātuoji tik paziņuoti 22. februarī grypys sātys lopā www.borowa.lv i grupys muzykys profilā portalā www.draugiem.lv.
Biļetus iz pasuocīni var nūpierkt jau tāņ www.bilesuserviss.lv. Vaira informacejis par koncertu Muokslys darbinīku noma sātys lopā – www.mdn.lv.