„acī, a na brovī dūrt!”
Sveicynuoti itymā soltajā zīmys dīnā! Losu, dzierdu i nūprūtu, ka piec pādejuom latgaļu volūdu aizstuovūšuom akcejuom – zynuotniski pamatuotīm lāmumīm i praseibuom, centralajā vaļsts presē aizsuocīs pretlatgaliskais publikaceju vīsuļs. Vysi kai iz korstys ponnys izlykti – nu suoc uzbrukumu vysam latgaliskajam.As beistūs, ka nasuok “nūiest” myusu volūdneicys – zynuotneicys par jūs uzadrūšynuošonūs saceit patīseibu i saceit vysu kai ir. As lyudzu, vysus, kas spiej ītikt vaļsts centralajūs
masu medejūs – uzbryukūši aizstuoveit myusu volūdneicys i patīsi, viesturiski i arguymenteiti pīruodeit latgaļu volūdys aizstuoveibys pasauļkulturviesturiskū nūzeimeibu, a na viņ “taidu – šaidu” prostūs latgalīšu īgribi i apruodeit čyuļuskuos pozicejis naciļvieciskumu vysā tuos keilumā! Nūsyutu eisu ailenisku paviļkšonu “iz zūba” vysus, kas or pret latgaļu volūdu.
Ontons Slišāns.
Tai ir kai ir
Voi tī beja latgalīši, kas puordeve dvieseleiti;
Kas puordeve dvieseleiti čyuļojejīm naudys mokīm?
Nu, ir vaine, nu, ir graiški volūdnīkīm Latvejā;
Latgalīši pruotu nāmušs – sovu runu gūdā cālušs.
O, kai napateik tīm vysīm, kas bez gūda dzeivovušs,
Kas iz latgalīšu pusi vysod pigu ruodejušs;
Ka i beidzūt Latgolā sovi volūdnīki stypri,
Ka i beidzūt Latgolā – zynuotnīki vykly …
Reize, reize, nu, ir reize – patīseibu gūdā ceļt,
Tīm, kas dzeivovušs ar malīm, „acī, a na brovī dūrt!”
2010.
