Izguojuse N’Works verseja par grupys “Borowa Mc” dzīsmi “Bez Tevis”

Grupys „Borowa Mc” aizkustynūšajai dzīsmei „Bez Tevis” izguojs remikss. Tū taisejs muzykys producents N’Works.

„Dzīsmis „Bez Tevis” remikss topa piec grupys „Borowa Mc” aicynuojuma tū sataiseit, par tū, ka leidz itam myusim sadarbeiba nabeja izsuokjta. Itūreiz muns dūmu guojīns ir atškireigs nu īrostuo soulfulhouse skaniejuma,” skaidroj dzīsmiz remiksa autors muzykys producents N’ Works. „Munupruot, itys remikss, kurs nu dzīsmis originala atsaškir daudzejuodā ziņā, ir izadevs veiksmeigs, i juocar, ka klauseituojim tys patyks gon klausītīs sātā, gon ari deju zalūs.”

Dzīsmis „Bez Tevis” originalverseja kai skonu celeņš skaņ jaunajā latvīšu pylnmetražys filmā „Pasažieri” (režisors Jurģis Tūbelis). Sovu pyrmizruodi filma pīdzeivuos 28. novembra vokorā piedzīvos t/c „Mols”. Vīnā nu golvanojom lūmom ir īsajuts ari grupys „Borowa Mc” dalinīks – Aigars Runčis.

Dzīsmis „Bez Tevis” muzykys autore ir Guntra Kuzmina, teksta autors – Aigars Runčis. Pyrmo reizi tei publiski tika atskaņuota ituo goda 17.augustā. Dzīsme ir stuosts par dasakeršonu i suopeigu škieršonūs. Kod cylvākam ir spylgtā atmiņā laimeiguo šaļts kūpā ar ūtru cylvāku, kod vēļ jis ilgojuos piec tik īrostajim gluostim, skyupstim i meilim vuordim i kod kotrā preteimā guojejā ir gotovs saskateit meiļuotū, nasaverut, ka tī ir jau cyti ļauds i cytys attīceibys.

Radio SWH TOP20 dzīsme „Bez Tevis” ūtrymā nedēļā izkuopa par 13 vītom i izreizis īgiva 1. vītu, kur nūsaturēja div nedelis.

Dzīsmi var nūsaklauseit grupys sātys lopā: www.borowa.lv