Latgolys sirds. Veļti vozuota
![](https://lpr.gov.lv/wp-content/uploads/2007/andrejdinys/783.jpg)
Lai ari cik tū runu, narunu … tūmār taipat mes dzeivojom pa apli. Taipat mes kotrys sovā molā dzeivojom sovaižuok – myusem atvālātū laiku. Pa sovu jau nūdzeivuotū termiņu asu pabejs i padzeivuojs dažaiduos piļsātuos tepat LV. Vysur vysaidys mistifikacejis, i vālamys, voi navālamys vibrācejis. Tū var redzeit, just, nūjaust, i, prūtams, vītejuo “škārsteikla” (ļaudim) dzierdeit.
Stabili dzeivoju sovā dzimtīnī aba Rēznī i juos rajonā jau ……….kur ta godi treis. Nazkai puormainu vibrācejis, tok najiutu….nikuo. Vot tei ir tei problema. Nikuo. Nā, ok. Daži sābruzemis lelveikali izaslieši gūdam tukšejuos vītuos. Tok es ni par tū…es par dvieseļiskajīm prīceņim. Juopīkreit vīnai latgalīšu ailineicai, ka Rēzne ir lela Malta (tei,kas rajonā). Smīkleigi, tok tīsa. Tei poša garuo, golvanuo īla….i.t.t, tik čigonu Rēznē moz radzams. Nazkai maņ ruodīs tei pylsāta ni Sirds, a Bermudys :D. Ja, kaidi pasuokumi nūteik tod par tīm juoīt pošam iz KN, voi juozvana iz kuļturys puorvaļdi i juovaicoj. Reklamys pazaruoda viņ tymā pošā nedeļā, kod jī nūteik. Labi, ja veļ pazaruod…..
Par latgalīšu pasuokumim i narunuosim….
Nā, runuosim, gon, jo tok – Piļsāta Latgolys sirdī.
Taids kuriozs beja ar LA-LA-DRA pasuokumu – telpys dabuot var VYSĀ Latvejā, izjemūt…Sirdi. Pascē tai – par biļetim. Da, te cylvākim pošim juodamoksoj, ka jī atīt iz taidim literali-muzikalim pasuokumim. Sirdsidrs…bet tymuos Oknuos (Dpilī) dzeivojūt, maņ lobuok patyka. Tī koč pa mozam tok, kas i nūteik.
Taipat vysim zynoms, ka Rēzne losa pakaišus aiz Dpils 5godu attuolumā 😉 Nu ite cyts stuosts.
Redzit ir veļ vysaidu pīmāru…. Es beju dziļi puorsteigs ari par cytom mistifikacejom, kod E.Vasiļevska (vysu munu cīni jam) Jubijelis izstuodē – “visi, kāa vieņs ruāaja pa latviskam”. Daž muna coce, kas beja atbraukuse iz itū izsuodi beja puorsteigta, jo jei Latgolys keramikus beja uzskatiese par eistynim latgalīšim.
Es tai sprostai navaru saprast – Deļkam tai posnai! I, redz jau tys vyss na vīnu vīn godu…..plus tod vaicuojumi – deļkam taiseit pasuokumus, ka naatīt daudzi cylvāku – naatīt cylvāki, deļkam taiseit. Apburtīs lūceņš Taipat vysi ogruok bļuove – Dorbā moz moksoj, moz i struodojam – a, stuodojam, kai moksoj.
Dažys temys ir īviereibys cīneigys raksteit lelus, bīzus vuorstiejumus, kai Rēznis Hallis byunīceiba… i, kai veļ byus ar “Zīdastis” dorbim ….. moš piļsātys spāki sovys ītekmis sferys tai ari navareis sadaleit, voi ari sadaleis, pošim nasaprūtamā veidā.
Nazkai tai Sirdei naīt ar tuom “Golvom” vysus itūs godus….
Nav piekšai kuo tod breinuotīs i sprīdeleit idejis – kur palīk myusu jaunatne 😉 Vysi muni bierneibys draugi ir vysur, iznamūt šeni…. Taipat i puorejī.
Smogai…
Cik var dzierdeit, tik RA dora koč kū latgalīšu kulturys lobad….. i to tik drusceņ dateik zynuot, ka koč kas byus voi beja. Rēzeknis masu medejem ir cytys nūdarbis, kai babu spļetņu izklausiešona, dūmis deputatu eceišonuos, i.t.t. Munupruot, smīkleigi ira tys, ka Dpiļs “Latgales Laiks” uztaisa rokstu iz 2 lopom, par naseņ nūzatykušūs “Boņuks 2008” kurīs nūtyka Rēzeknis KN, tok Rēzeknes grand medejs klusej.
Jaunu spāku ignoriešona voi stagnātisms?!
Rezuļtatā zinit, kas nūteik – taids kai Dzeļža prīkškors, tepat Latgolā. Mošeņ, dorom tai – ka Sirds, to līkom Preiļim 🙂 jī, kai reize – pa vydam… Dpiļs – oknys, Bolvi – pakauss, Ludzai pa kaidai ekstrimitatei nu a Rēznei …. 😀
Da taipat jau zynoms, ka tū eistynū Latgolys burveibu nūvierteij tī spiejiegī ļauds, kas ira uorpus Latgolys. Nā, nu ir i ite,bezapšaubamai, kai es, i cyti trokī. Tok moz.
Sovukuort ir ari taidi, kas tik tū zyna, kai bezjāgā bļaut – Čiuļi pipši! Bez pamatuojuma. Taipat.
Nā nu glupi, gon saguo, ka tai pyrma vieliešonom es te vuorūs pyrma vieliešonu. Tok tys tai saguo…sazakruo, izkryta. Veļ mes te redzeisim, vysaida cyrka. Kaidus Everesta snīgus paruodeis…. i, kai cylvākim jau pi krīzis pasūleis – maizi i izklaidis, voi maizi i naudu 😀
Tū paruodeis kotra samylzušuo suopeite.
Deļ tuo ari par tuos – Sirds – nūsaukumu ira juopzaceinejuos. I, Rēzenkei juobyut cīš uzmaneigai – lai jei beidzūt izīt uorā nu īilgušuos komunisma menopauzis. Ka, nā to taipat sirds vītā var īlikt batarejis i sēdēt vīkuorši, kai kaidā to izvadkanalā.