Bez tēmas 

Vuolyudzāni 2009

2009. goda 25. aprelī Rēzeknis 1. vydsškolā nūtyka skotuvis runys konkurss „Vuolyudzāni” i olimpiāde vydsškolānim latgalīšu volūdā i kulturviesturī. Šūgod runys konkursā pīsadalieja 42 daleibnīki nu 16 Latgolys školom, bet vydsškolys olimpiadī pīsadalieja 6 komandys: Baļtinovys v-šk.,Dagdys v-šk., Nautrānu v-šk., Tiļžys v-šk. i divys komandys nu Rēzeknis Augstškolys.


Skotuvis runys konkursā„Vuolyudzāni” konkursantim beja juoizavielej vīns daiļdorbs voi tuo fragments nu Fanča Trasuna voi Marijis Andžānis dorbim, tai kai obi autori ir šuo goda jubilāri: M.Andžānei 8.septembrī – 100, bet Fr.Trasunam 16. oktobrī – 145. Populāruokys tūmār beja Fr.Trasuna fabulys voi citi dorbi (kūpā daleibnīki izavielēja 34 juo dorbus), bet M.Andžānis dorbus runuoja 8 školāni.

Kai ūtrais daiļdorbs beja juolosa poša izavielātais autors. Školāni runuoja O.Kūkuoja, O.Slyšāna, O.Matvejāna., Kr.Brema, J.Klīdzieja, Naaizmierstulis dorbus voi dorbu fragmentus.

Naz deļ kuo ļīti moz teik izmontuoti jaunūs autoru dzeja i proza. Dūmojams cytugod vairuok tiks pīdūmuots pi dorbu izvielis, lai atbylstu školāna vacumam i lai byutu leluoka dažaideba.

Uzvarātuoji :
1. – 4. kl.
1.vīta – Vivitai Krišānei – 2. Mežvydu p- šk. – školuotuoja Aina Urtāne
Lāsma Nagla – 2. Mežvydu p – šk. – šk. Inta Nagla
2.v. – Simona Tretjakova – Gaļānu p- šk. – šk. Irita Līvmane
Otomārs Kozlovs – Drycānu v– šk. – šk. Sarmeite Mežule
3.v. – Daira Brūdere – Gaļānu – šk. – šk.Elza Leimane

5. – 9. kl.
1. v. – Valters Ludbuoržs – Rēzeknis 5. v-šk. – šk. Rūta Geidāne
Zane Bukša – Baļtinovys v-šk. – šk. Anita Ločmele (Zane sajieme ari Latgolys Studentu centra simpateju bolvu)
2. v. – Dāniels Jukna – Rēzeknis 5. v-šk. – šk. Biruta Trimalniece
Renāts Konovalovs – Gaļānu p-šk. – šk. Marta Binduka
Samanta Ignatjeva – Iļziskolna p-šk. – šk. Zinaida Kūkuoja
Dainis Skrebinskis – 2. Mežvydu p-šk. – šk. Inga Skrebinska
3. v. – Aigars Smirnovs – Lūznovys p-šk. – šk. Inese Anževa
Arnis Skrebinskis – 2. Mežvydu p-šk. – šk. Inga Skrebinska

10. – 12.kl.
1.v. – Edmunds Strods – Preiļu Vaļsts ģimn. – šk. Silvija Kivko
2.v. – Krista Aivare – Rēzeknis 5. v-šk. – šk. Anna Šmite
Juoņs Gailums – Nautrānu v-šk. – šk. Veronika Dundure (Juoņs sajieme ari Latgolys Studentu centra simpateju bolvu)

Paļdis školom, školuotuojim par īguļdeitū dorbu, sagatavojūt školānus konkursam!

Vydsškolānim olimpiadis aizdavumus sagatavuoja Ilga Šuplinska (RA) i Lidija Leikuma (LU) i tī beja par itaidim tematim:
1. Latgalīšu rokstu volūdys viesturi;
2. Fraņcs Trasuns, juo dzeve i dorbi;
3. Marija Andžāne, dzeive i dorbi;
4. Kulturtests (svareiguokī nūtikumi Latgolā).

Uzvarātuoji:
1. v. – Tiļžys v-šk. – šk. Aina Rakstiņa
2. v. – Baļtinovys v-šk. – šk. Imants Slyšāns
3. v. – Nautrānu v-šk. – šk. Veronika Dundure

Paļdis olimpiadis i skotuvis runys konkursa atbaļsteituojim:
Rēzeknis 1. v-šk.: direktoram Jānim Poplavskim, direktora vītneicai Astrai Prīdānei, školuotuojai Anna Lavrentjevai;
Latgolys Kulturys Centra izdevnīceibai i Juoņam Elksnim , kas duovynuoja gruomotys 285 Ls vierteibā, Rēzeknis rajona padūmei i Monvīdam Švarcam, Izgleiteibys puorvaldei i Lilijai Žukovskai,
Latgolys Studentu Centram, Rēzeknis Augstškolai, Latvejis Universitatei.

Cytugod otkol pādejā apreļa sastdinī gaidom jau iz 10.skotuvis runys konkursu i olimpiadi vydsškolānim!