Latgolys Radejis zinis (22.10.2008.)
![](https://lpr.gov.lv/wp-content/uploads/2005/dezuratteli/79.jpg)
Veiktys izmainis SIA “Daugavpils galis kombinats R” (DGKR) valdē, līcynoj paziņuojums oficialajā laikrokstā “Latvejis Viestness”. Nu valdis atbreivuota Galina Gorkina, par vaļdis lūcekli īcalts Sergejs Tšilikins. Jau ziņuojom, ka DGKR apgrūzejums pārn beja 2 567 194 lati.
Šudiņ Jākubpils Tautys nomā nūteik diskuseja “Leidzdaleiba pošvaļdeibys teritorejis planavuošonā”. Diskusejis mierķs ir veicynuot efektivuoku sabīdreibys īsasaisteišonu pošvaļdeibys teritorejis planuojumu izstruodē i diskutēt par teritorejis planuojumu izstruodis problemom.
Šudiņ četrūs Rēzeknē Latgolys kultūrviesturis muzeja Izstuožu sātys Mozajā zalā tiks atkluota Vaļsts ašņadonoru centra Latgolys filialis (VADC LF) izstuode “Ašņa lase Latvejai!” Izstuodē byus apsaverami ar ašņa puorlīšonys viesturi i nūzeimeigim sasnīgumim saisteiti materiali, suocūt nu donoru kusteibys suokom 1957.godā leidz myusdīnom. Izstuodē byus apsaveramys ari dažaidys īreicis ašņa puorlīšonai, donoru apbolvuojumi i Atzineibys roksti.