Latgolys Radejis zinis (9.10.2008.)
Šudiņ 9. oktobrī trejuos suņdēs Rībeņu nūvoda Seiļukolna pogostā svineigai tiks atkluota jaunuo Seiļukolna pogosta administrativuo sāta. Paviestie Rībeņu nūvoda dūmis sabīdriskūs attīceibu specialsits Rolands Naglis. Jaunajā administrativajā sātā ir izvītuoti na tikai pogosta teritorialuos puorvaļdis darbinīku ustobys, bet ari biblioteka. Taipoš sātā ir paradzāta konferenču ustoba, ustoba uorsta praksei, lauku atteisteibys speciālistim i frizātovai. Iz Seiļukolna administratīvuos sātys atkluošonu ir uzaicynuots Regionaluos atteisteibys i pošvaļdeibu lītu ministrs Edgars Zalāns, Saeimys deputati Juoņs Eglītis (TP), Juoņs Klaužs (TP), Staņislavs Šķesters (ZZS), kai ari sadarbeibys partneri, Preiļu rajona i kaimiņu pošvaļdeibu vadeituoji.Lītovys uzjāmums “E-enerģija” izsacejs pīduovuojumu SIA “Dalkia Latvia” apsavīnuot i kūpeigai meklēt rysynuojumu īilgušajom apkuris problemom Rēzeknē. Kai nūruoda vīns nu kompanejis “Latgales enerģija” dybynuotuojim Ļevs Voronovs, apsavīnuošonuos mierķs ir īilgušuo konflikta atrysynušona ar Rēzeknis dūmi.
Šudiņ Bolvu rajona padūmē nūtiks opoluo golda diskuseja par HIV profilaksis centru vajadzeibu Latgolys raģionā. Diskusejis laikā Jākubpils HIV profilaksis centra, kas ir vīneigais Latgolys ragionā, darbinīki īpazeistynuos ar centra sešus godus ilgū darbeibys pīredzi.
Šudiņ Daugavpilī suokusīs apkuris pīsliegšona dzeivojamajam fondam, – apmāram dīnnakts laikā apkuri planuots pīslēgt vysom pošvaļdeibys dzeivojamajom sātom.
