Latgolys Radejis zinis (8.10.2008.)
![](https://lpr.gov.lv/wp-content/uploads/2005/dezuratteli/79.jpg)
Caturtdiņ, 9. oktobrī, Bolvu rajona padūmē nūtiks opoluo golda diskuseja par HIV profilaksis centru vajadzeibu Latgolys ragionā. Diskusejis laikā Jākubpils HIV profilaksis centra, kas ir vīneigais Latgolys raģionā, darbinīki īpazeistynuos ar centra sešus godus ilgū darbeibys pīredzi. Taipoš tikšonuos laikā tiks snīgta informāceja par pošvaļdeibu īspieju pīsasaceit UNODC grantu programmā, kas atvīglynoj īsasiti HIV profilaksis centru programmā.
Daugavpiļs rajona padūmis apsprīžu zalā šudiņ vīnūs nūtiks jaunuos atomelektrostacejis Lītovā byvnīceibys ītekmis iz vidi nūviertiejuma ziņuojuma sabīdriskuo apsprīšona.
Šudiņ Kuorsovys vydsškolys stadionā i tuo apleicīnē nūtiks patriotiskuos pīdzeivuojumu i izaicynuojumu spēlis “Jaunī Reigys sorgi” ūtruos kuortys sacenseibys. Spēlis ūtrū kuortā, kurū vadeis grupys “Gain Fast” solists Kaspars Zlidnis, 20 Ludzys rajona jaunīšu komandys vacumā nu 14 leidz 19 godim izdzeivuos spēlis legendu, kas balsteita iz Breiveibys cīņu nūtykumim i sasaceņss par mudruokuos, precizuokuos, gudruokuos i salīdātuokuos komdandys titulu.
Nu šudiņdīnys leidz 11. oktobram Daugavpiļs Universitatē nūteik pyrmuo Eiropys gulbju pietnīku konference. Konferencē gulbju pietnīki prezentēs sovu pietejumu rezultatus i apsprīss aktualys gulbju pietnīceibys problemys, tymā storpā migraceju, vairuošonūs, puorzīmuošonu i apgradzynuošonu.