Latgalīšu dzīšmu video versejis īšk TV listem

Nu tai – tys ir nūtycs – nailgai piec prezentacejom grupu “Bez PVN” i “Dabasu Durovys” jaunuokī veikumi video versejuos ir īkļauti TV rotacejuos i atrūnomi ari topu listēs! Prīcuosimīs, ka rassi vareibu kaidu reizi atbalsteit – kab grupys vaira pastateitu sovu vītu zam Latvejis muzykys saulis! 🙂

Režisoru Gunta Rasima i Sergeja Medvedeva video kūpdorbs grupys “Bez PVN” jaunuokai radio dzīsmei “Screen” atrūnoma gon Latvejis muzykys kanala rotacejī, gon LTV 7 raidejumā “SeMS” – tī poš ari topūs.
www.lmk.lv/video/voting.php – Latvejis muzykys kanala tops
sems.ltv.lv/lat/topi – LTV 7 SeMA tops (bolsuot par 3 reizis dīnā nu vīna darota! I pi reizis kaidu bolsu var atdūt par “Dabasu Durovu “Trejūs naktī”, kas ari atsarūn tymā pot topā!)

Paļdis Tev lelum lels!