Klīdzīņs

Maņ gribīs klīgt i gribīs rauduot.
Voi vysmoz skali nūsalomuot
Ar kaidu stypru krīvu vuordu.

Deļ kam?
Apnyka skaidruot.
I ļaudim pi vīnys vītys,
Jī tik prosa maņ sadzīduot
Voi koč kū latgaliski nūrepuot
I nūsamīrynuot…

Klusai sovejīm atkuortuošu –
asu latgaļs, latgalīts, latvīts…
A kurais munā vītā klīgs?

P.S. Kū vairuok par mani smejās,
Tū stypruok varu pasceit Jiusim:
Asu latgaļs, latgalīts, latvīts…