Latgolys Radejis zinis
![](https://lpr.gov.lv/wp-content/uploads/2005/dezuratteli/79.jpg)
Šudiņ plkst.11.00 Daugavpilī, Leluo Strūpu azara pludmalē, pi gluobšonys stacejis tiks prezenteita jaunizveiduotuo Daugavpils Policejis puorvaļdis Iudiņs policejis vīneiba. Pasuokuma daleibnīīki varās īpasazeit ar Iudiņs policejis vīneibys darbinīkim, apreikuojumu i pīnuokumim. Kuorteibai iz iudinim Daugavpils regionā sekuos seši speciali apvuiceiti darbinīki, kuru reiceibā byus divys motorlaivys “Bush T-530”.
Šudiņ plkst.10.00 Rēzeknis pilsātys dūmes Konferenču zalā nūtiks Vilhelmshāfenys augstškolys stipendiju pasnīgšona. Itūgod tū sajims divi Rēzeknes Valsts gimnazejis školāni. Paguojušajā godā stipendiju sajieme Rēzeknis Valsts gimnazejis (RVĢ) absolvente Ilze Pekša.
Ar 29.juni svātdinēs plkst.19.00 Latvejis Televīzejis (LTV) 1.kanalā Latgolys regionaluo televizeja skateituojim pīduovuos raidejumu cyklu “Devenis Latgolys pučis Latvejai”. Tys ir raidiejumu cykls, kurā skateituojam tiks pīduovuots nūplyukt kaidu Latgolys puči – dzeivuot leidza kaidam stuostam, pīmāram, stuostam par školu, kam, taipoš kai Latvejai, itymā godā aprit 90 godi, par muzeju, kurā globojās Latvejis i Latgolys viesture, kai arī par Latgolā īvāruojamim cylvākim ar sovu kulturu, volūdu i ticeibu.
Daugavpils dūmis deputati nūlāmuši izsludynuot balkonu, lodžeju i palūdžu nūformiejumu konkursu.Konkurss suoksīs 1.julī i turpynuosīs leidz 31.juļam. Itymā laikā Daugavpils dūmis Informacejis birojā īsnīdzami dasaciejumi konkursam. Balkonu, lodžeju i palūdžu nūformiejuma vierteišona nūtiks nu 1. leidz 4.augustam. Lobuokuo nūformiejumu autorim paradzātys naudys prēmejis, konkursa bolvu fonds nūsaceits 170 latu apmārā.
Vaļts ašņa donoru centra Latgolys filiālys sabīdriskū attīceibu speciāliste Maruta Krustāne informāja,ka ir ļūti vajadzeigys – O(I) rēzus pozitīvuos ašņa grupys ašnis, lyudzom atsasaukt donorus!
Sagaidūt Leivuonu pylsātys 82.dzimšonys dīnu, īdzeivuotuoji pylsātai duovynuojuši mozduorzeņūs zīdūšuos pučis. Vakar rūzis, lilejis, zvaneņus i.c. duorza pučis iz Latgolys muokslys i omotnīceibys centru atnasuši 20 cylvāki. Arī šudiņ nu plkst.9.00 leidz plkst.12.00 pylsātys svātku organizatori i Zīdu viļņa veiduotuoji aicynoj nūvoda īdzeivuotuojus nest pučis.Jau ziņuots, ka Leivuonūs, Tradīceju laukumā, šudiņ pylsātys svātku gaitā pyrmū raizi leivuonīšim i pylsātys gostim oficiali tiks atskaņuota pylsātys himna, kurys vuordu autora ir dzejneica Kornēlija Apškrūma, bet muzyku saceriejuse Lilita Kauliņa.