Latgolys Radejis zinis (13.06.2008.)
![](https://lpr.gov.lv/wp-content/uploads/2005/dezuratteli/79.jpg)
Šudiņ Valsts rūbežsardzis koledžā (VRK), Zavolako 8, Rēzeknē, nūtiks VRK absolventu izlaidums, Koledžu pabeidz 1. leimeņa profesionāluos augstuokuos izgleiteibys studiju programmas “Robežsardze” 29 kluotīnis i 16 nakluotīnē studejūšī.
SIA “Komunāls R” dybynuotuoju sapuļcē Rēzeknē nūlamts, ka nu 2008. goda 19. juņa uzjāmums puortrauc dorba attīceibys ar valdis lūcekli Vasīliju Aleksejevu. Leidz ar tū uzjāmuma valdi puorstuovēs dyvys personys – valdis lūceklis Mārtiņš Opolais i valdis prīkšsāduotuojs Otomārs Rihters.
Bolvu dūme ir apstyprynuojuse Bolvu pilsātys apbolvojuma “Goda pilsonis” nūlykumu. Apbolvojums tiks pīškierts, lai izteiktu atzineibu i gūdynuotu pilsātys īdzeivuotuojus, nūvodnīkus valsts svātkūs, nūzeimeiguos īstuožu i uzjāmumu godadīnuos, dorba i dzeivis jubilejuos. “Goda pilsonis” ir augstuokais Bolvu dūmis dybynuots apbolvojums par seviškim nūpalnim Bolvu pilsātys lobā, kū pīškir ar dūmis lāmumu.
Šudin Rēzeknis dūme lems par atbiļdeiguos personys īceļšonu SIA “Latgales enerģijas” (LE)anulātojuos licencēs nūsaceitajim sabīdriskajim pakolpojumim.
“Druvas Spēkavota līgas”, kas jau caturtū godu nūrysynuos pīcuos Latvejis regionu školuos, 2007./2008. vuiceibu goda pavasara semestrī uzvariejuši diveji školāni nu Daugavpiļs Saskaņas pamatškolys – 9. A klasis absolventi Inga Liepiņa i Ernests Jadzevičs. Obi uzvarātuoji aktivi īsasaistuos dažaiduos sporta aktivitatēs. Inga apmeklej paukūšonys nūdarbeibys, bet Ernets nūsadorboj ar vīglatletiku. Uzvarātuoju sveikšona nūtiks izlaiduma laikā 13. junī pl. 15:00.
Nu 24.juņa leidz 29.juņam Daugavpilī, Ledus hallē, nūtiks 2008.goda Eiropys čempionats breivajā, grīķu – rūmīšu i sīvīšu ceiņā kadetim. Sacenseibuos pīsadalēs ap 600 sportistu nu aptuveni 40 valstim. Ceikstūņi vacumā nu 16 leidz 18 godim mārosīs spākim desmit svora kategorijuos. Latvejai, kai pasuokuma reikuotojai, itymuos sacenseibuos ir tīseibys startēt ar dyvom komandom. Paradzams, ka myusu valsti Eiropys čempionatā kadetim puorstuovēs ap 60 sportistu.