Latgolys Radejis zinis (3.06.2008.)
![](https://lpr.gov.lv/wp-content/uploads/2005/dezuratteli/79.jpg)
Sastdiņ, 2008. goda 7. junī, Daugavpils rajona Subatē nūtiks amatīrteatru saīts “Spēlējam kopā!” ar mierki saglobuot, atteistēt i pylnveidūt amatīrteatru kusteibys kusteibys tradiceju, popularizēt amatīrteatru darbeibu. Saīts itūgod pulcēs pavysam 12 amatīrteatru nu Latvejis i Lītuvys. Saīta aktivitatys planuotys vysu dīnu. pl. 12.00 saīts suoksīs ar atkluošanu Subates Sv Jura luteraņu bazneicā. Nu pl. 12.30 da 19. 30 dažaiduos pilsātys vītuos nūtiks izruodes dažaidom gaumem. Saīts nūsaslēgsīs ar amatīrteatru izruožu dzīšmu koncertu „Zaļo gaismu amatierteātru kustībai!” plkst. 20:30 Subates estrādē. Sovukuort piec koncerta – zaļumballe kūpā ar grupu „Trīs vīri laivā”.
Lai nūdrūšynuotu sabīdriskuos kuorteibys īvāruošonu i svineigu pasuokumu nūrisi, kai ari aizsorguotu bārnus nu nagativys socialuos vides, Jākubpiļs dūme nūlāmuse piļsātys svātku laikā — 6. un 7. jūnijā — naatļaut izbraukuma tirdznieceibā pasuokumu nūrisis vītuos puordūt stiprūs alkoholiskūs dzierīņus. Atļauta ols i alkoholiskū dzierīņu, kuru sastuovā ir leidz 7% spirta, tirdzīceiba.
Školānu skaita samazynuošanuos dēļ itūruden slēgs Sokolku pogasta (Rēzeknes raj) Dilmaņu pamatškolu. 2007./2008. vuiceibu godā Dilmaņu pamatškolā nabeja nokomplektēta 1., 2., 4. un 6. klase, bet 1. septembrī vuiceibys uzsuoka ostuņi apvīnotū 3. i 5. klašu školāni, deviņi 7. klases, ostuņi 8. klases i 10 školāni 9. klasē. Pēc pamatškolys slēgšonys bārni turpynuos vuicētīs Viļānu i Tiskādu vydsškolā. Sarežgeituok dorbu byus atrast vuiceibu personālam. Daudzi školotuoji paralēli ikdīnys dorbam apguvuši cytys specialitates.
Šudiņ Rēzeknis Augstškolys Ekonomikis fakultatē Atbreivuošonys alejā 90 114. auditorejā pl. 10.00 nūtiks studentu i docātuoju 10. zynuotniski praktiskuos konferences „Tautsaimniecības attīstība: problēmas un risinājumi” atkluošona. Konferencē ar referatim par dažaidim ekonomikis vaicuojumim pīsadalēs Rēzeknis Augtškolys Ekonomikis fakultatys studenti i docātuoji, kai ari Jākubpils Agrobiznesa koledžis studenti i docātuoji.
Šudiņ pl. 16. Daugavpiļī svineigi tyks atkluota pošvaļdeibys daudzdzeivūkļu dzeivojamuo āka Šaurā īlā 24. atslāgys nu dzeivūkļim saņems i eiris leigumu parakstēs tuos jaunī īmeitnīki. Dzeivūkļi ir piļneibā izremontāti, vannys ustabuos i tualetēs uzstuodeita jauna santehnika, bet virtuvēs – gāzis plitis. Labīkuortuota ir ari teritoreja ap sātu, uzbyuvāts jauks bārnu rūtaļu laukums. Daugavpiļī pyrmuos kuortys ryndā, kur tīk registrāti denacionalizātū sātu īdzeivuotuoji, buoreņi i avārejis stuovūklī asūšū sātu īdzeivuotuoji, ir 103 saimes. Vyspuorejā ryndā registrātys 227 saimis. Daugavpiļs pošvaļdeiba mynātuo projekta realizacejā īguļdejuse aptuveni miljonu latu, bet valsts 429 000 latu.
Šudiņ Kruoslovys piļsātys svātkūs, kas turpynuosīs leidz 8. juņam, nūteik Biblioteku dīna. Pl. 15. Kruoslovys nūvoda centralajā bibliotekā paradzāta Bārnu ustobys i gruomatu izstuodis “Rakstnīki Daugavai” atkluošona.