![](https://lpr.gov.lv/wp-content/uploads/2008/caja-vokors/1073.jpg)
Leidz ar lobu čaju i syltuoku laiku, „Čaja vokorā” pasaruoda arviņ vaira čaja lītu – ar itū nedeli treis jaunys rubrikys:
• Citrona škieleite – kaids sabīdreibā zynomuoks Latgolys, Latvejis cylvāks atkluos sovu meiļuokū čaju i sovus čaja dzeršonys ritualus. Rubrika kotru sastdīnu ap 19:50.
• Nedelis piparmātra – kotram nu myusim nedelis laikā kasdīnys rūnuos kaidi puorsteigumi, breinumi, atkluojumi. Tod nu „Čaja vokors” kūpeigai apsaviers iz kasnedelis myusu kotra poša eipašim atkluojumim. Par sovu – raidejuma laikā drūši vari raksteit
radeja@lr.lv. Rubrika kotru sastdīnu ap 20:20.
• Mada kūceņš – „Čaja vokors” īsaviers pasauļa muzykā i mekleis dzīsmis par i ap čaju. Tod nu kotru sastdīnu atskaņuosam kaidu dzīsmi i ari apsaviersam tuos tekstualū dali, kab saprostu, kas tod tī par čaju teik dzīduots. Rubrika kotru sastdīnu iz reizis piec 21:00.
Bet pi ituo myusu dorbs nasabeidz! „Čaja vokors” napīrymst i rauga padareit arviņ interesantuokus Tovus, klauseituoj, sastdīnu vokorus!