Latgolys Radejis zinis (29.04.2008.)

Šudiņ Daugavpilī suoknās i reit turpynuosīs starptautiska zinuotniski-praktiska konference “Daugavpils cietoksnis. Vēsture. Šodiena. Nākotne”. Konference teik reikuota, turpynojūt apkūpuot leidzeigu fortifikacejis byuvju restauracejis i izmontuošonys īspieju pīredzi. Tymā daleibu jims puorstuovji nu Pītera i Puovula cītūkšņa Sanktpēterburgā (Krīveja), Narvas cītūkšņa (Igauneja), Kauņas cītūkšņa (Lītova), Viborgys cītūkšņa Ļeningradys apgobolā (Krīveja) i senuo Izborskys cītūkšņa Pleskovys apgobolā Krīvejā.

Šudiņ divuos stuņdēs Daugavpils cītūksnī suoksīs attaiseitūs vuortu dīna. Attaiseitūs vuortu dīnā visi vaira dazynuot grybātuoji gidu pavadeibā īpasazeis ar Daugavpils cītūksni. Pasuokuma nūslāgumā ar koncertu uzastuos tautys pyušamūs instrumentu kapella nu Boltkrīvejis “Gudi”(“Instrumenti”), kas muziciešonā izmontoj XVII godusymta instrumentu prototipus.

Šudiņ Rēzeknis rajona padūmē nūtiks Latgolys nūvoda spēlis “Erudits” finals. Sacenseibuos, kuramuos tiks puorbaudeita vysu skūlānu erudiceja dažaidūs vaicuojumūs par Latveju, pīsadaleis treis Rēzeknis piļsātys komandys nu 1. vydsskūlys, 5. vydsskūlys i Pūļu vydsskūlys i treis Rēzeknis rajona komandys nu Viļānu vydsskūlys, Maltys 1. vydsskūlys i Nautrānu vydsskūlys.

Rēzeknis Augstskūlys studentu teatris „ĶerRA” reit jau sastū godu piec kuortys organizej veiklūs improvizātuoju sacenseibys “Čeikst skatuvis dieli”. Pasuokuma mierkis ir puļcēt aktīvus i radūšus skūlānus i studentus iz īprīšk nasagatavuotim akterspēlis demonstriejumim. Spēlis laikā komandom byus juoruoda dažaidi situaceju insciniejumi i sātā sagatavuota prezentaceja.