Latgolys Radejis zinis (22.04.2008.)
Šudiņ Naturalizacejis puorvaļdis prīkšneica Eiženija Aldermane dorba vizitē Daugavpilī tiksīs ar Eiropys Drūšeibys i sadarbeibys organizācejis (EDSO) augstū komisaru nacionalūs minoritašu vaicuojumūs Knutu Vollebeku, kurais Daugavpilī īdūmuojs īsapazeit ar sabīdreibys integracejis dorba nūrisi i daleibu jims vairuokūs Naturalizacejis puorvaļdis reikuotajūs pasuokumūs.Šudiņ Rēzeknē nūtiks Eiropys Komisejis puorstuovnīceibus Latvejā organizātais diskuseju cikls “Eirodzīve – kāpēc?”, kuramā Rēzeknis dzeivuotuoji, Rēzeknis Augstškolys studenti i eksperti diskutēs par dažaidim ar migraceju saisteitim vaicuojumim.
Aizreit 11 stņdēs Daugavpilī gastneicā „Hotel Dinaburg” nūtiks seminārs mozajim i videjim uzjiemiejim i biznesa atbolsta instituceju puorstuovjim „ES un valsts atbalsts inovatīvu risinājumu ieviešanai ražošanā”. Seminara mierkis ir īpazeistynuot uzjiemiejus, biznesa atbolsta institucejis ar ES fondu i vaļsts atbolsta instrumentim ražuošonys modernizacejai i inovaceju īvīšonai.
Šudiņ Daugavpils bibliotekuos suoknās i leidz 26. apreļam turpynuosīs Biblioteku nedelis pasuokumi, i ituos nedelis ītvorā šudiņ plkst.17.00 Latgolys Centraluos bibliotekys (LCB) laseitovā nūtiks literars pasuokums, kurā tiks prezentāta gruomota “Goru vaļsteibā” i nūtiks tikšonuos ar tuos autori rakstneici nu Rēzeknis – Lindu Mariju Kundzišu.
Šudiņ ar izruodem krīvu volūdā “Sapņu karaļvalsts” i “Lelle līgavai” Daugavpils teatris gastei Reigys Krīvu dramys teatrī. “Sapņu karaļvalsts” ir puosoka par tū, ka roksta puorsokys, par tū, kas nūteik ar cylvāku sapnī, tei ir puorsoka, kurys varūņs vari byut Tu pats… Izruodis “Lelle līgavai” varūni ļusteigu i ospruoteigu tautys dzīšmu skaņuos rysynoj “vāžnus” dzeivis vaicuojumus, pīvadumam, dzert ci nadzert, voi nūtiks kuozys, kam ticēt, nu kurīnis uzaroda “eists pulkveds” i cytus.
