Vacī bocmaņi vs Bez PVN
![](https://lpr.gov.lv/wp-content/uploads/2007/bodrap-bildis/1030.jpg)
![](https://lpr.gov.lv/wp-content/uploads/2007/bodrap-bildis/1033.jpg)
E: Kai Jiusim roduos ideja par jiurnīku tālu itam koncertam?
Aija: Vīnkuorši laikam krakli atsaroda.
daGu: Nā, mes naz kai pyrma div nedeļom siedejom i dūmovom, ka vāga Studentu klubā koč kū i vot izdūmovom par jiurnīkim. Pyrmīs, kas īguoja golvā i Kipam krakli kai reiz beja.
E: Kai Jius raksturuotu Bez PVN ar tādinejū ocu skotu kai beja pyrma pīcim godim i tāņ?
Aija: Kaidim pīcim? Nav pīci!
E: Ui, nui, drupeit vaira kai četrim.
daGu: 4,5
Aija: Cik daudz jau?
daGu: Vot gondreiž jau i pīci! Es jau īzamuocieju gitaru spielēt! Zynovu 6 akordus.
E: Tod?
daGu: Tod.
E: A tāņ?
daGu: Tāņ. Septenus. Vīnu īmuocieja Aija.
E: Bet kai grupai kūpumā?
daGu: Kai grupai? …maņ nainteresej!
(Smīkli)
Kips: Vīns bocmans vacīs!
daGu: Asom nūaugušs ar buorzdu… Kip, atbiļdi kai īt!?
Kips: Nu, logiski ir jau vysaidys taidys lītys kai tehniskīs apreikuojums. Tys daudz kū deve na kai nazkod, kod juo nabeja… Tod dzeivis kritiereji beja drusku cyti… Nu, prūtams, loģiski, ka cylvākam mainuos dzeivis viertiejumi. Tod beja jī taidi, nazceisam, ka švaki, bet varbyut savdabeiguoki na kai tāņ…
![](https://lpr.gov.lv/wp-content/uploads/2007/bodrap-bildis/1032.jpg)
Kips: Da, uzaudzs.
Aija: Es svorā asu nūzakrytuse, naasu uzauguse.
daGu: Es gon asu uzaudzs.
Kips: Bet gors myusim ir uzaudzs taids teiri…
Aija (puortrauc): Es pīkreitu
Kips: …nūzastabiliziejs. Kai zynoms, naasam bejušs ni Eiropys, ni Latvejis popularuokuo grupa…
daGu: Nu vysmoz vysu laiku naasom bejušs!
Kips: Nui, tai da. Tys jau dīzgon vīgli ir, kod asi populars, tod vyss aizīt, bet mes taidi normali calmlauži. Siežam, tusejam, kai ba pi tuo stipri naīspringstom, bet tymā pošā laikā ir juopalauza šaidi taidi kūki…
daGu: Nadaudz jiutamīs kai jiurnīki eisteneibā…
Aija: Par kū?
daGu: Par tū, ka vaira naasam kai kačalāni, kurus var aizlaist jiurā… nu… jau kai jiurnīki, kurus navar cik vīgli aizlaist…
Kips: Kai vacī bocmaņi! Tys ir pots lobuokīs! Vacūs bocmaņus maņ tai līkās itys vo – cunami daže naaizlaiss!
E: Deļ kam Jius dorot veļ arviņ tū pošu? Pateik?
Kips: Nā, nu pateik, kū tī dareit… 🙂
Aija: Maņ personeigi vīnkuorši pateik! Punkts.
daGu: Da, vot tai interesna vyss tys… Nav tai viņ, ka pateik, bet… kai tī beja… deļ kuo? Prosta pajimta mieģu telpa i nazagribīs pīviļt zānu… Vysu laiku juomiegynoj… 🙂
E: Jius asat kai ba pa Latvejis muzyku apsaulauziejušs, kaids Jiusim tāņ ir skots iz tū vysu?
Kips: Apsalauziejušs mes taidā nūzeimī kai apsalauzušs?
daGu: Apsaulauzušs tož asam daudz.
![](https://lpr.gov.lv/wp-content/uploads/2007/bodrap-bildis/1037.jpg)
daGu: Prīškstots ir rodīs… 🙂 Nu… jū vairuok i tuoļuok jū vyss tys smīkleiguoks ruodīs. Agruok tū vysu tai nūpītni uztvērem, ziņ, tī tikt topūs koč kaidūs, tamleidzeigi… bet tāņ tys taids vaira – o forši, nu labi… tai vot ir – cylvāks tož pīrūn pi lītom… nu leidz ar tū… bet mes tož naasam tai eisti apsaulauziejušs, pīmāram, taidā zinī, ka mes veļ leidzvierteigi asom daudzom cytom jaunajom grupom Latvejī… kas jūprūjom nav tikušs caur „Prīkšnomu” (raidiejums SWH) cauri…
Aija: Nu myusim mozs tys prūds, nu! Vyss tys pots vysu laiku!
daGu: Vysi cylvāki spielej tymuos pot grupos!
E: A deļ kuo Jius tik vīnā grupā?
daGu: Nivīns naaicynoj!
Aija: Nā. Mani aicynuoja.
Kips: Maņ kursā jau treis godi brīst grupa, bet nazkai nasaīt…
Aija: Maņ daudz cytu hobeju. Maņ pateik laseit i adeit i div grupys tī naītylpst!
Piec 10 godim, ka es spieleišu i vareišu pelneit ar tū viņ, ka podspieleju basu vysur kur, tod es spieleišu 30 projektūs!
Kips: Voi ar adeišonu, kab variejs vysur podhalturēt! 15 zečis par vokoru – štuka!
Aija: (Smejas) Nu, ka par zečom labi moksuos! 😀 Bet nā, Bez PVN’u naaizlaisšu!
E: Vysom jaunom grupom mierkis ir sovs albums. Pyrmīs albums ir izdūts. Kas Jiusim tāņ nūteik? Kaidys dūmys, idejis, īceris?
daGu: Nav nikaidu īceru vyspuor.
Kips: (Smejas) Nui, pryncypā kai byus tod, kod tai nikuo nadūmuos, saīs moš kas…?
Aija: Es, pīmāram, dūmoju gičai kod ta steigys nūmeineit… nu tai.
daGu: Nā, ir jau ir jau. Kai ba rokstom ūtru albumu. Pa drusceņai. Cik kuram nervi tur. Tāņ drusku sovaiduok na kai pyrmajā albumā. Tāņ cylvāki drusku aizjimtuoki, veļ koč kur cytuos daudzuos dzeluos. Nav tai, ka tik viņ muocuos. Bet, ka veruos iz pyrmū, tod tož tī… vosoruos tik rakstejom…
(Foto pauze)
![](https://lpr.gov.lv/wp-content/uploads/2007/bodrap-bildis/1036.jpg)
E: Ira…
daGu: Da veļ itū naatbiļdiejom…
Kips: Bet myusim pryncypā ir 10 minuti…
Aija: Arčys veļ nav! Kaidi 10 minuti!
E: Vo, i taišni taids jautuojums maņ beja: Īsadūmoite situaceju. 10 minuti pyrma koncerta i nav Arčys. Kū Jius darātu?
Aija: Siežam i gaidom kai parosti!
Kips: Nu es grybātu situaceji, kos Arča 10 minuti pyrma koncerta byutu! Tod jau byutu interesana situaceja.
daGu: Tys byutu kas naparosts.
Kips: Vot tod paprosi! Mes miegynuotu dūmuot, kū ar Arču parunuot! Cytaiž tai naīrosti.
E: Jius sātyslopā www.bezpvn.lv kod ta asot atbiļdiejušs iz vaicuojumim, nazynu cik seņ, bet kaidu es varātu izdūt veļreiz i kū Jius tāņ atbiļdātu?
Aija: Zini, maņ tože beja interesanti. Es veļ naseņ jūs puorskaitieju, par tū, kas es viņ tod uzzynuoju, ka jī tī veļ jūprūjom stuov…
E: Nu, pīmāram, kaidu mašynu grybātu sajimt duovonā nu sovim fanim?
Aija: Itys ir viļeigs vaicuojums par tū, ka tys ir vīneigīs, kuru es mainātu. Es pyrma div nedeļom veļasmašini nūpierku! Par tū, ka maņ nivīns naizduovynuoja! 😀 Bet fans paleidzieja uzstīpt auškā…
E: Nu, Kip, kai Tev? Kaidu Tu grybātu?
Kips: Mašyni kaidu? Nā nu pryncypā es jau mašini grybātu pierkt kai na viņ. Maņ tik tīseibu navā, bet maņ ir vysmoz sovs šofers. Ā…nu kai tūreiz.. Davaj, ka es atbalsteišu sovejūs tūmār… nu vot ite Likteneigīs pagrīzīns iz Vainovu par opeli dzīd i tod es izmiegynuošu, ka jī suoka, ka baigi labi, tod lai opeli maņ duovynoj! Lobu taidu!
E: A Tev agruok beja: Tačku 3000 Testarossacabrio. Smukū.
Kips: Ā, nu loba, loba, jei ir.
daGu: Kai ūtrū!
E: Guntim?
![](https://lpr.gov.lv/wp-content/uploads/2007/bodrap-bildis/1031.jpg)
Kips: Tys tože pravda, da…
Aija: Kaidi mes realisti palykušs!
E: Bet vaicuojums beja, kaidu fani varātu izduovynuot!
daGu: Nu fanim kaidys četrys grybātu sajimt! Četrim dažaidim dzeivis mierkim.
E: I taipoš lai brauc, lai gona vītys, lai pylns ledusskaps ar saldiejumu i menti natur?
daGu: Da, i lai vīns traktors tož byutu!
Īsarūn Arča!
Kips: Deveni minuti pyrma koncerta.
Aija: Es pascātu, ka septeni…